मदन मण्डारीया हत्यारा सु ?

एमालेया पुलांम्ह मूछ्याञ्जे मदन भण्डारीयात दासढुंगाय् स्याःगु झिंच्यादँ व छन्हु दत । तर भण्डारीया हत्या सुनां यात धयागु खँ थौं नं अनुत्तरहे तिनि । मदन मण्डारीया हत्यारा थौं नं शहर बजार व वल्खुया वजारय् निर्धक्क चाःहिला च्वंगु दु । हत्या जूगु थुलिमसि दँ लिपा नं हत्यारायात न्ह्यःने हःगु मदु । थुकिं नेपाःया न्याय् प्रणाली गाक्क कमजोर व असामयिक अले रहस्यपूर्ण दूर्घटनायात कयाः थीथी अनुसन्धान आयोग नं दयेकल । उकीमध्ये पद्मरत्न तुलाधर लगायत व्यक्तिपिसं अध्ययन अनुसन्धान यानाः पितव्यूगु रिपोर्टय् मदन भण्डारीयात स्याःगु धकाः धयातःगु दु । तर स्याःम्ह सु धकाः हत्यारा मालेगु ज्या धाःसा निरन्तररुपं सत्ताय् दुगु एमाले पार्टींन गवलें चिउताः काल, नत थुकियात कार्यान्वयन याकेतहे सुनां कुतः यात । एमालें ला अध्ययन अनुसन्धान यातनं अनिर्णयया वन्दि यानातःगु दु । २०५० साल जेठ ३ गते बा.अ.च. ८७९३ नंवरया मित्सुविसी वजेटीय् च्वनाः नारायणगढ पाखे वनाच्वंवलय् सनिलया ५ः३५ ताः इलय् दासढुंगाय् उगु जीप दुर्घटना जुयाः मदन मण्डारी व जीवराज आश्रति सितसा चालक अमर लामा वचय् जूगु खः ।

तत्कालिन सरकारं प्रचण्डराज अनिलया जाँचबुझ समितिं स्वभाविक दुर्घटना धालसा भाद्र १ गते मेगु जाँचवुझ आयोग दयेकेगु घोषणा जूगु पाय्छि दच्छि लिपा कार्यान्वयन जुल । उया लिपा २०५१ असार १४ गते सरकारं न्यायाधिस त्रिलोक प्रताप राणाया संयोजकत्वय् मेगु छानविन आयोग दयेकल । थुगु आयोग नं स्पष्ट निर्णय वीमफुत । थुया लिपा ढासढुंगा प्रकरण वुलुं ख्वाउँया वन । थुया न्ह्यः पद्मरत्न तुलाधर व केपी ओलीया संयोजकत्वय् निगू आयोग दयेकल । ओलीं अमर लामा लगायत दोषी घोषणा यानाः पार्टीं पितिनसा पद्मरत्नया समितिं अमर लामां यक्को खँ सीगु दावालिसें हत्या जूगु धाल । थुयालिपा २०६० सालय् अमर लामाया नं हत्या जुल ।

बराबर सत्ताय् च्वनाः नं एमालें हत्या सम्वन्धी सोध खोज गवलें मयाःगु कारणं हत्यारा एमाले दुनेहे दयेमाःगु अनुमान याःगु दु । भण्डारीया कलाः विद्यादेवी नं रक्षा मन्त्री जूसा थः भातया हत्याया हत्यारा मालेत इच्छा मक्यंगु आदि कारणं वयकःनं हत्यारात नाप मिलय् जूगु अनुमान याःगु दु । मदन भण्डारीया हत्या जूगु झिं च्यादँ लिपा नं उकिया वारे सत्य तथ्य मालेगु खँय् निस्कृय जुइगु धयागु राजनीतिक हत्या यात निरन्तरता वीगु ज्या जूगु दु । हत्यारात सतकय् चाःहिलाच्वंतल्य कानूनी राज्य अवधारणा संकटय् लानांच्वनीगु निश्चित खः ।

More Stories Like this