जयललितां थौं शपथ काइगु
तमिल (एएफपी)
अन्नाद्रमुक नेता जयललितां थौं सोमवाः तमिलनाडुया मुख्यमन्त्रीया रुपय् शपथ काइगु जूगु दु । म्हिगः आइतवाः वय्कलं राज्यपाल सिंह बरनालालिसे नापलानाः सरकार दयेकेगु दाबी याःगु खः ।
राज्यपालं वय्कःयात सरकार दयेकेगु नितिं इनाप याःगु खःसा आः सोमवाः न्हिनसिया १२ः१५ ताः इलय् मद्रास युनिभर्सिटीया आंडिटोरियमय् शपथ ग्रहण ज्याझ्वः जुइत्यंगु खः । राज्यपाललिसे नापलाये धुंकाः पत्रकारपिं नापं खँल्हानादिसें जयललिता धयादीगु दुकि वय्कःया सरकारया प्राथमिकता राज्यय् कानुन व्यवस्थाया बहाल यायेगु, राज्यया आर्थिक स्थितियात पाय्छि थासय् हयेगुया लिसलिसे मदयेकं मगाःगु चीजत फयांफत्तले म्हो यायां यंकेगु जानकारी ब्यूगु खः । वय्कलं धयादी वइगु इलय् राज्यया मनूतय्सं थःपिनिगु विषयलय् छु नं च्यूताः कायेम्वाःगु जानकारी नापं ब्यूगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
