इङ्लिस प्रीमियर लिगया उपाधि म्यान्युयात

म्यान्चेष्टर युनाईटेडं झिंगुक्वःगु खुसिइ इङ्गलिस पि्रमियर लिग फुटबलया उपाधि त्याकेत ताःलाःगु दु । म्हिगः वंगु बहनीया धेंधेंबल्लाः कासाय् ब्यालक बर्नलिसे छगू - छगू गोलया बराबरी म्हितूगु म्यान्युं छगू कासा म्हिते ल्यंदनीबलय् हे कीर्तिमानी उपाधि रक्षा यायेत ताःलाःगु खः । उमिसं निगूगु थासय् दुगु चेल्सीलिसे न्हय्गू अंकया निणर्ायक अग्रता कायम याःगु खः । म्यान्युया नितिं वायन रुनीं न्ह्यस्वंगू मिनेटय् निणर्ायक गोल याःगु खः । थ्व स्वयाः न्ह्यः झिंच्याक्वःगु खुसिइया उपाधि त्याकूगु कीर्तिमानी लिभरपुललिसे दुगु खः ।

अथेहे उगु हे दिं जूगु मेगु धेंधेंबल्लाः कासाय् ब्ल्याक पुलं बोल्टनयात ४ - ३ गोल, ओल्भर हाप्टनं सण्डरल्याण्डयात ३ - १ गोल, वोस्टब्रोमं एभर्टनयात १ - ० गोलं बुकुगु खः । थ्वहे दथुइ याया टौरेया निणर्ायक गोलया ग्वाहालिं म्यान्चेष्टर सीटीं स्वीन्यादँलिपा एफ ए कपया उपाधि त्याकूगु दु ।

More Stories Like this