बौद्ध प्रवचन समाजया उलेज्या व बिचाः गोष्ठी

येँ (झीगु स्वनिगः)

२५५५ क्वःगु स्वांया पुन्हिया लसताय् थौं सोमवाः 'बौद्ध प्रवचन समाज'या उलेज्या व 'द्वन्द्व समाधानय् बुद्ध धर्मया सान्दर्भिकता' विषयलय् बिचाः गोष्ठी जुइत्यंगु दु । बौद्ध प्रवचन समाजया ग्वसालय् सनिलया ५ ताः इलय् कमलपुखूस्थिति रशिएन कल्चर सेन्टरय् जुइगु उगु गोष्ठीइ डा. त्रिरत्न मानन्धर, भिक्षु निग्रोध व डा. मिलन शाक्यं नुगः खँ तयादीगु ज्याझ्वः क्वःछीनातयागु दुगु खँया जानकारी नं उगु हे संस्थापाखें ब्यूगु दु ।