अस्ट्रेलियापाखें सार्वजनिक खर्चया व्यापकरुपय् कटौती

सिड्नी (एजेन्सी)

बजेटघाटा म्हो यायेत रणनीति अन्तर्गत अस्ट्रेलियां सार्वजनिक खर्चया कटौती याइगु जूगु दु । सन् २०१२/१३ या बजेटय् घाटा म्हो यायेगु नितिं अस्ट्रेलियां नीस्वंगू अर्ब न्हय्गू -७०) करोड अमेरिकी डलर बराबरया खर्च कटौती यायेगु रणनीति छ्यलीगु जूगु दु । खनिज पदार्थया बिक्रीपाखें जिमिगु आम्दानी यायेत ताःलाःगु अस्ट्रेलियाया अर्थतन्त्रयात अझ सुदृढ दयेकेगु नितिं सार्वजनिक खर्चया वइगु न्यादँतक्क खर्च कटौती यायेगु नीति हयेत्यंगु जानकारी ब्यूगु खः ।

छुं ई न्ह्यः अस्ट्रेलियाया क्विन्सल्याण्डय् वंगु चलःया कारण उकिं जूगु क्षतिया नितिं तःधंगु धनराशी खर्च यायेमाःगु कारणं उगु देशं आर्थिक वृद्धिदर हे करिब बागू प्रतिशतं प्रभावित जूवनेवं वइगु न्यादँतक्क सार्वजनिक खर्च म्हो यायेगु नीति हःगु जानकारी ब्यूगु दु । अस्ट्रेलियां थःगु देय्या खनिज पदार्थया चीनपाखेया निकासीइ जूगु वृद्धिया कारण अर्थतन्त्र तसकं बांलाकेत ताःलाःगु दुसा थुगु दँ प्यंगू प्रतिशतया आर्थिक वृद्धिदर प्राप्त यायेगु लक्ष्य तःगु श्रोतं जानकारी ब्यूगु खः ।

More Stories Like this