अमर व लक्ष्मीयात सफलता

येँ (झीगु स्वनिगः)

झिंखुक्वःगु विश्व एथलेटिक्स दिवसया लसताय् ग्वसाः ग्वःगु ८०० मि. ब्वाज्या धेंधेंबल्लाः कासाय् शान्ति निकुञ्ज मा.वि.या अमर लामा व विजेश्वरी ज्ञान मन्दिर मा.वि.या लक्ष्मी कार्कीं कासा त्याकेत ताःलाकूगु दु । मिजंपाखेया उगु दूरीइ लामां २ः३५.१० सेकेण्डं व मिसापाखे कार्कीं ३ः००.१० सेकेण्डय् पूवंकूगु खः । ज्ञानोदयया कल्याण महत ल्यू व सन्देश लामा लियांल्यू लाःगु खः । अथेहे मिसापाखे विजेश्वरीया हे विनिया जोशी ल्यू व विपना बलामी लियांल्यू लाःगु खः ।

४०० मिटरय् मिजंपाखे ज्ञानोदयया चन्द्र यादवं १ः०९.१० सेकेण्डं दूरी पूवंकाः न्हाप लाकूगु खः । नाईटिङ्गलया सागर चौधरी ल्यू व दिवश घर्तीमगर लियांल्यू लाःगु खः । उगु हे धेंधेंबल्लाः कासाय् विजेश्वरी ज्ञान मन्दिरया अनिता थापा १ः१०.९४ सेकेण्डं दूरी पूवंकाः न्हाप, ज्ञानोदयया पासाङ्ग खाण्डु शेर्पा ल्यू व विजेश्वरीया संगिता खड्का लियांल्यू लाःगु दु । अथेहे २०० मिटरय् नाईटिङ्गलया निरज चौधरी न्हाप, शुभताराया साईमन अधिकारी ल्यू व ज्ञानोदयया तेन्जिङ शेर्पा लियांल्यू लाःगु खः । थुकथं हे मिसापाखे विजेश्वरीया करुणा थापा न्हाप, नाईटिङ्गलया दिप्ती यादव ल्यू व रेडनया मनिषा श्रेष्ठ लियांल्यू लाःगु खः ।

१०० मिटरय् ज्ञानोदयया महेश खड्का न्हाप, नाईटिङ्गलया मिन चौधरी ल्यू व ज्ञानोदयया शौरव शर्मा लियांल्यू जूगु खःसा मिसापाखे विजेश्वरीया बबिता थापा न्हाप, नाईटिङ्गलया सुमिता थापामगर ल्यू व ज्ञानोदयोया गौतमी भट्टचन लियांल्यू लाःगु खः । दशरथ रंगशाला त्रिपुरेश्वरय् जूगु धेंधेंबल्लाः कासाय् मिजंतय्गु हाईजम्पपाखे शुभताराया रिसव राज रेग्मी १.४५ मिटर जम्प यानाः न्हाप लाःगु खः । नाईटिङ्गलया निलम्बर ठाकुर ल्यू व ज्ञानोदयोया रोषन श्रेष्ठ लियांल्यू लाःगु खः । अथेहे मिसापाखे विजेश्वरीया उषा पोखरेल १.१८ मि. जम्प यानाः न्हाप, ज्ञानोदयया सग्मा प्रजापती ल्यू व बिजेश्वरीया ईन्दिरा के.सी. लियांल्यू लाःगु खः ।

च्यागू विद्यालयया ब्वति दुगु उगु धेंधेंबल्लाः कासाय् लङ्गजम्पया मिजंपाखे नाईटिङ्गलया सुदाशंु फौजदार न्हाप, नाईटिङ्गलया हे विश्वनाथ चौधरी ल्यू व शुभताराया अमरजित थापा लियांल्यू लाःगु खःसा मिसापाखे विजेश्वरीया प्रतिज्ञा भण्डारी न्हाप विजेश्वरीया हे नमूना पोखरेल ल्यू व ज्ञानोदयया सन्दिपा शाही लियांल्यू लाःगु खः । कासा नेपाल एम्योच्योर एथलेटिक्स संघं याःगु खः ।

More Stories Like this