डिभी चिठ्ठाया लिच्वः रद्द, मेगु लिच्वः जुलाईलय्

येँ (झीगु स्वनिगः)

अमेरिकां थुगु हे ला सार्वजनिक याःगु सन् २०१२ या डाइभर्सिटी भिसा -डिभी) चिठ्ठाया फुक्क लिच्वः रद्द जूगु जानकारी ब्यूगु दु । लिच्वः रद्द जूगु घोषणालिसे वंगु वाः सार्वजनिक जूगु डिभी चिठ्ठा सुयात नं लाःसां मलाःसां नं मान्य जुइमखु । तर आवेदकतय्सं हाकनं न्हूगु फाराम धाःसा जायेके म्वाःगु जानकारी नं ब्यूगु खः । डिभी अनलाइनयाकथं न्हूगु लिच्वः थ्वहे वइगु जुलाई १५ तारिखय् वइगु जूगु दु ।अमेरिकी विदेश उपराज्यमन्त्री डेभिड टी. डोनाह्युं कम्प्युटर प्रोग्रामिङय् जूगु खराबीया कारण लिच्वः रद्द यायेमाःगु जानकारी ब्यूगु खः । वंगु दँया अक्टोबर ५ निसें नोभेम्बर ३ तारिखतक्क जायेकूगु आवेदनतपाखें लिच्वः पिकाःगु खः ।