वोगटीया आक्रोश

येँ (झीगु स्वनिगः)

एकीकृत नेकपा माओबादीया छ्याञ्जे पोष्टबहादुर बोगटी दिवाकरं नेपाली कांग्रेसं शान्ति प्रकृयायात लिच्वलय् थ्यंकेमास्ते मवःगु धयादीगु दु । शान्ति प्रकृयाया विषयसं थःगु स्पष्ट एजेण्डा नं न्ह्यः मब्वयेगु व मेपिं सं हःगु प्रस्तावय् नं विमती तयाः कांग्रेसं देय्यात अनिर्णयया बन्दी दयेकूगु बोगटीया धापू दु । थौं नेपाल भियतनाम मैत्री लिसे सास्कृतिक काउन्सिलं याःगु छगू अन्तक्रिर्या ज्याझ्वलय् न्वंवानादिसें बोगटीं सेना समायोजनया विषयसं दलतदथुइ खँ त्याज्यूसा शान्ति प्रकृयां पुर्णता दइगु धयादीगु दु ।

जनमुक्ति सेनाया नेतृत्व दइकथं मिश्रति फोर्स दयेकूसा सेना समायोजनया समस्या हल जुइगु वय्कःया धापू खः । कांग्रेसं सेना समायोजनया विषयसं थःगु खाका न्ह्यब्वयेमफुगु न्ह्यथनादिसें वय्कलं माओबादीं हःगु खाकाय् दलत सहलहसं दुगु धयादीगु दु । कांग्रेस थःगु सिद्धान्तकथंया लोकतन्त्रया पक्षय् व माओबादी थःगु सिद्धान्तकथंया लोकतन्त्रया पक्षय् दृढ दुगुलिं समस्या ज्यंकेमफुगु नापं वय्कलं धयादीगु दु । निद्धः व स्वसः व न्यय्न्याक्वःगु बुद्ध जयन्तीया लसताय् ग्वसाः ग्वःगु ज्याभmवलय् भियतनामया धर्मगुरु डा.थाई हुयन डियनं नेपाःया शान्ति प्रकृया नेपाःमि थःपिंसं हे क्वचायेकेमाःगु धयादीगु दु । नेपाःया दलतय्सं खँय् स्वयाः नं अप्वः ज्याय् ई खर्च याःसा शान्ति प्रकृया पूवंके फइगु वय्कःया धापू खः ।