अमेरिकी डिभी भिसाया लिच्वः रद्द

संरा अमेरिका दँय् दसं बिया वयाच्वंगु अमेरिकी डिभी भिसा २०१२ या नकतिनि पिकाःगु लिच्वः रद्द यानागु खँ अमेरिकी राज्य विभागं न्ह्यथंगु दु । कम्प्यूटर प्रोग्रामिङय् जूगु प्राविधिक गल्तीया कारणं थुगु लिच्वः रद्द यायेमाःगु खँ धाःगु दु ।

जानकारी कथं थुगु दँया डिभी भिसा २०१२ पूर्ण रुपं खारेज जूगु मखुसें मेया न्हापांगु वालय् पिदंगु लिच्वः जक रद्द जूगु व आः वइगु जुलाइ १५ तकया दुने मेगु लिच्वः पितबिइगु जूगु दु । थुकिया लागि न्हापा आवेदन तःपिन्सं हानं आवेदन तया च्वने म्वाःगु व प्रतियागत रुपं छुं कथं हिलेज्या मजूगु खँ नं न्ह्यथना तःगु दु ।

लुमंके बहः जू, थुगु दँया डिभी २०१० या लागि विश्वन्यंकपाखें १ करोड पचास लाख मनूतय्सं डिभी आवेदन तःगु खः ।

More Stories Like this