चीनया छगू बैंकय् पेट्रोल बम हमला

चीनया उत्तर पश्चिमय् लाःगु कान्सु प्रान्तय् शुक्रवाः छगू पेट्रोल बम हमलाय् ३९म्ह मनूत घाःपाः जूगु दु ।

कान्सु प्रान्तस्थित उवेइ शहरय् च्वंगु थियानचु बैंकय् सुथसिया ९ बजे मिटिङ जुयाच्वंगु इलय् उगु हमला जूगु खः । बम हमला लिपा झिम्ह मनूत झ्यालं तिंन्हुया थःगु ज्यान बचे यायेत ताः लाःगु खँ धाःगु दु ।

याङ सिआनवेन नां जुम्ह उगु हे बैंकया पुलाम्ह कर्मचारी अन हमला याःगु खँ अनय स्थानीय सरकारं पुष्टि याःगु दु । लच्छि न्ह्यः याङयात अनियमितताया द्वपंलय् बैंकं लिकागुलिं उगु हे घटनाया बदला कायेत बम हमला याःगु अनुमान याःगु दु ।

प्रहरीं बम हमला याःम्ह याङयात मालेगु ज्या यानाच्वंगु दुसाः घटनाया थप अनुसन्धान नं न्ह्याकूगु दु ।

More Stories Like this