अमेरिकाय् इहि

Posted on Tue May 10, 2011 8:37 pm NST

संरा अमेरिका मेरिल्याण्ड राज्यस्थित पोटोम्याकया हरेकृष्ण मन्दिरकोय् संचवाः मंकाः इहि ज्याझ्वः क्वचाःगु दु । नेपाः पासा पुचः अमेरिकाय्या ग्वसालय् जूगु थुगु इहि ज्याझ्वलय् टेक्सस, म्यासाचुसेट्स, नेब्रास्का, डिसी, भर्जिनिया, मेरिल्याण्डनापं यानाः मुक्कं च्यागू राज्यया २६ म्ह मिसा मस्तय्गु इहि जूगु खः ।

पुरोहित बासब राजोपाध्यायपाखें पुजा पाठ जूगु उगु ज्याझ्वलय् सं.रा. अमेरिकाया लागि नेपाली राजदूत डा. शंकरप्रसाद शर्मालिसे नेवार समुदायया करीब तीन सय मनूतय्गु सहभागीता दुगु खः ।

वंगु सन् २००७ निसें नेपाः पासा पुचः अमेरिकायपाखें निदँय् छक्वः मंकाः इहि याना वयाच्वंगु दु । प्राप्त जानकारी कथं सन् २००७ य् १९ म्ह व सन् २००९ य् १७ म्हसिया इहि जूगु खः ।

ज्याझ्वःया थप किपा

(किपा - बासब राजोपाध्याय)