लुँभूया महालक्ष्मी, महाभैरवजात्रा
लुँभूइ महाभैरवजात्रा अक्षय तृतिया कुन्हु निसें सुरु जूगु दु । नेपाल संवत् ७०६ निसें अस्तित्वय खनेदुगु लुँभूया महाभैरवजात्रा(महालक्ष्मी) देंय्दसं अक्षय तृतिया कुन्हुनिसें च्यान्हुतक हना दशमि कुन्हु क्वचायेकीगु याइ ।
जात्राया न्हापांगु दिं न्हय्म्ह आजु(थकाली)तय्सं द्यःया मुर्तियात देगलं पिथनेगु निंतिं पुजापाठ याना महालक्ष्मी, महाभैरव, कुमार व
कुमारीया छम्ह-छ्म्ह व निम्ह गणेद्यःया मूर्ति देगलं पिथनी ।
मू कथं थुगु जात्राय् निगु ख: दइ । न्हापांगु खतय् महालक्ष्मी, गणेद्यः व कुमार मूर्ति तइसा: लिपांगु खतय् महाभैरव, गणेद्यः व कुमारीयात विराजमान याकी । स्वन्हु लिपा आकाशभैरवया ख:यात जात्राय् दुथ्याकीगु ज्याः जुइ । आकाशभैरवया ख:यात जात्रा ज:छि क्वबिनाः तयातइ ।
थुगु जात्रा लुँभूया लाच्छिं न्ह्याका: पाउल, नासल टगटु, तल्लो लाछी, भगवती लाछि, देवीस्थान, गोब्रातेश्वर महादेव प्राङ्गण, नासल
तगटु, कोयलाछी, इटाटोल, नारायण द्यः, महालक्ष्मी द्यः याना: लिपांगु दिं भगवती द्यः न्ह्यने ख: थ्यंकी ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
