नाष्टया गुम्ह वैज्ञानिक गोरखाय्

गोरखा (झीगु स्वनिगः)

जिल्ल्ााया उत्तरी प्रोक गाविसया कल्छुमन ताल (कालताल) क्षेत्रया जैविक विविधता व जडीबुटी बारे अध्ययन यायेगु नितिं नेपाल विज्ञान तथा प्रविधि प्रतिष्ठान (नाष्ट) या वैज्ञानिकतय्गु पुचलं उगु क्षेत्रया अनुसन्धान न्ह्याकूगु दु । उगु पुचलं जडीबुटी, वनस्पति व पुसा -विरुवा) दुने दइगु जीवाणुया अध्ययन यानाच्वंगु पुचःया प्रमुख लिसे नाष्टया वरिष्ठ वैज्ञानिक डा. प्ा्रकाश राउतं जानकारी बियादीगु खः ।
उगु पुचलं वैशाख २९ गतेतक्क उगु हे क्षेत्रय् च्वनाः वनस्पतिया अध्ययन याइगु जानकारी बियादीगु खः ।

पुचलय् डा. गुणराज बज्राचार्य, डा. विमला देवकोटा, डा. भोजराज पन्त, शिव उपाध्याय, प्रविणा राणा, पवन पराजुली, सुशील भण्डारी, देवराज देवकोटा लगायतपिं दुगु नापं डा. प्रकाश रावतं जानकारी बियादीगु खः । नाष्टया दीर्घकालीन परियोजना कथं अनुसन्धान न्ह्याकूगु डा. रावतं न्ह्यःथनादीगु खः । नाष्टया निगू पुचलं थ्व स्वयाः न्ह्यः उगु हे क्षेत्रया अनुसन्धान यानाः लिहां झायादीगु खः । मनास्लु संरक्षण क्षेत्रया अनुसन्धानं उगु क्षेत्रया बारय् अझ थप जानकारी दइगु व पर्यटन क्षेत्रया विकासया नितिं योजना निर्माण यायेत अःपुइगु वैज्ञानिकतय्सं जानकारी बियादीगु खः । अनुसन्धानपाखें क्वय्या भागय् जक दइगु जडीबुटी जलवायु हिउपाःया कारण हिमाली क्षेत्रय् नापं पाइन न्ह्याकूगु पुचलय् दुथ्याःम्ह डा. प्रविणा राणां जानकारी बियादीगु दु ।