पर्यटन विकासय् पुरातत्वं पन

गोरखा (झीगु स्वनिगः)

गोरखा जिल्लाया पर्यटन क्षेत्रया विकासया नितिं कुहिरे भीरया जङ्गलय् भ्यू - टावर निर्माण दयेकेत्यंसां नं पुरातत्व विभागं उगु ज्या यायेगु नितिं पंगु दु । वंगु पुसय् क्वचाःगु नगर परिषद्ं भ्यू - टावर निर्माण यायेगु निर्णय यानाः उकिया नितिं बजेट नापं विनियोजन यायेधुंकूगु दु । पुरात्त्व विभागपाखें सहमति मदुगु कारण भ्यू - टावर निर्माण प्रक्रिया पनेगु ज्या जूगु खः । याकनं हे स्थलगत अवलोकन यानाः सहमति बिइत पुरातत्व विभागलिसे गोरखा नगरपालिकां इनाप याःगु दु । अथेहें खाली दुगु भीरय् टावर निर्माणया नितिं नगर परिषद्ं थ्व दँ नीन्यागू लख रकम विनियोजन याःगु दुसा मेगु दँया नितिं स्वीन्यागू लख Ïयानातःगु दु ।

असार मसान्ततक्कया दुने क्वचायेकेमाःगु ज्या अझ नं न्ह्यायेफूगु मदु । गोरखा जिल्लाया पर्यटनया विकास मजुइमा धकाः षड्यन्त्र जुयाच्वंगु स्थानीयबासीपिनिगु द्वपं दु । भ्यू - टावर निर्माण जुइगु थाय् -कुहिरे भीर) संरक्षण क्षेत्रदुने लाःगुलि पुरातत्व विभागं सहमति बिइमाःगु नापं जानकारी ब्यूगु खः । पर्यटन व्यवसायी, राजनीतिक दल, जिल्ला प्रशासन प्रमुख, उद्योग वाणिज्य सङ्घलिसे, गोरखा नगरपालिका, जिल्ला विकास समिति गोरखा, पर्यटनविद्तय्सं उगु क्षेत्रय् भ्यू - टावर निर्माण यायेफत धाःसा गोरखा जिल्लाया पर्यटन क्षेत्रया विकासय् ग्वाहालि जुइगु बिचाः लिसलिसे बजेट नापया ज्याझ्वः हःगु खः । गोरखा दरबार हेरचाह अड्डाया प्रमुख नानीबाबु पोखरेलं विभागं सहमति ब्यूसा ज्या यायेफइगु जानकारी नापं बियादिल ।

More Stories Like this