फोरमं अझं निर्णय मयाःनि

फोरम कुचा थलेगु एमालेया कुतः

येँ सन्ध्या टाइम्स÷न्हूगु सरकार गठनया ज्याय् दकलय् निर्णायक अवस्थाय् लानाच्वंगु पार्टी मधेशी जनअधिकार फोरमं थौं न्हिनय् १ बजे तक नं थःपिनि निर्णय बी मफुनि । म्हिगः च्वंगु संसदीय दलया बैठकय् विवाद जुयाः छुं निर्णय पिकाये मफुगु खःसा थौं थ्वहे बारे निर्णय यायेत च्वंगु केन्द्रीय समितिया बैठकं नं छुं निर्णय याये फुगु मदुनि ।

पार्टी दुने अध्यक्ष उपेन्द्र यादव व उपाध्यक्ष जयप्रकाश गुप्ता माओ-वादीलिसे हे जानाः सरकार दयेकेमाः धइगु पक्षय् दुसा मेम्ह नेता विजय गच्छेदार धाःसा एमाले नेतृत्वय् थःिपं वनेमाः धइगु पक्षय् दु ।

अथे खःसां मधेशी मुद्दाया बारे फोरमपाखें एमालेयात छ्वयातःगु पौयात कयाः एमालें आः तक स्पष्ट लिसः मबिउनिगु कारणं फोरमया निर्णय वयेत नं लिबानाच्वंगु खँ धाःगु दु ।

उखे फोरमया समर्थन थःपाखे कायेत एमालें झंगः लानाः जूसां फोरम सभासद्तय् हस्ताक्षर कायेगु बारे बिचाः यानाच्वंगु खँ नं सीदुगु

दु । फोरमं धयाच्वंगु पुलांगु सम्झौता पालना याना बी धकाः आः लिखित हे प्रतिवद्धता प्वंकेगु व लिपा पार्टीया मेिपं कार्यकर्तापाखें उकिया विरोध याकाः सदनय् पेश याकेगु व अन बहुमतं विफल यायेगु नीति बारे एमालेया छपुचः नेतातय्सं बिचाः यानाच्वंगु खँ धाःगु दु । आः फोरमं न्ह्यागु धाःसां जिउ धकाः सरकार गठन यायेगु व सरकार गठन जुइधुंकाः उमिगु मागयात त्वःता छ्वयेगु बिचाः नं एमाले नेतातय्सं यानाच्वंगु दु ।

फोरम दुने माओवादी व एमाले मध्यय् सुयागु सरकारय् वनेगु धकाः जुयाच्वंगु विवादया कारणं पार्टी हे कुचा दलीगु खः लाकि धइगु आशंका समेत ब्वलंगु खँ नं धाःगु दु । विजय गच्छेदार पुचलं अन्तिमय् छुं हे लगे मजुल धाःसा थःिपं जक वनाः जूसां एमालेयात समर्थन यायेफुगु खँ सूत्रं धाःगु दु । थौंकन्हय् विजय गच्छेदार पुचःयाके दुिपं सभासद्त जक वल धाःसां नं एमालेयात सरकार दयेकेत बहुमत खाइगु खनेदु । सूत्रया कथं एमालेया छगू पुचः थौंकन्हय् फोरम कुचा यानाः बहुमत खाकेगु खेलय् नं लगे जुइधुंकूगु दावी सूत्रं याःगु दु ।

फोरम दुने विजय गच्छेदार पुचः ुछगू मधेश छगू प्रदेशु नीति क्वातुक च्वनीिपं मखु । गच्छेदार स्वयम् छम्ह थारु जूगु कारणं नं वय्कः सम्पूर्ण मधेश प्रदेशया पक्षय् मदुगु खः । तर उपेन्द्र यादव व जयप्रकाश गुप्तािपं मधेश प्रदेशया कट्टर हिमायती जूगुिलं निगू खेमाया बिचाः मिले मजुयाच्वंगु खँ नं सूत्रं धाःगु दु ।