लिबियाय् राजनीतिक अस्थिरता जारी, बेलायती ज्याकू ध्वस्त याःगु शंका
लिबिया (एजेन्सी)
लिबियाय् राजनीतिक अस्थिरता न्ह्यानाः च्वंसां लिबियाया राजधानी टि्रपोलीइ दुगु बेलायती आवासीय ज्याकू ध्वस्त दयेकूगु जानकारी ब्यूगु दु । अन छखेपाखे नेटोया सेनां राजधानी टि्रपोलीइ आक्रमण न्ह्यानाः हे च्वंगु दुसा मेगु पाखे उगु हे क्षेत्रय् लिबियाली नेता माउमुर गद्दाफीया सेनां बेलायत लगायत मेमेगु देय्या नं ज्याकू ध्वस्त दयेकाः ब्यूगु धाःगु खः । टि्रपोलीइ दुगु बेलायतया ज्याकुथिइ क्षति यानाब्यूगु धइगु बुखँप्रति जिपिं सचेत दु । बेलायती अधिकारीतय्सं जानकारी ब्यूगु खः ।
बेलायती विदेश मन्त्रालयया प्रवक्तां म्हिगः धाःसा बेलायतया लिसलिसे मेमेगु देय्या नं अनं दुगु ज्याकुथिइ क्षति जूगु धइगु बारेजिमिसं बुखँत न्यनागु दु । थौंकन्हय्या गद्दाफीया सरकारया नं अनं दुगु विदेशी कूटनीतिक नियोगतय्गु संरक्षण यायेमाःगु कर्तव्य खः धासें यदि थ्व बुखँ सत्य खःसा उगु घटना तसकं हे निन्दनीय जूगु दु, वय्कलं जानकारी बियादिल ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
