स्पेनय् बेरोजगारी समस्या तच्वल

स्पेन (एजेन्सी)

युरोपेली देशय् खनेदुगु आर्थिक मन्दीया कारण अप्वःसिनं रोजगारी तंकेमालाः च्वंगु अवस्थाय् स्पेनय् बेरोजगारी समस्या अझ अप्वः तच्वयाः वःगु जानकारी ब्यूगु दु । युरोपेली युनियन लिसे अन्तराष्ट्रिय मुद्रा कोषया ग्वाहालिइ थःगु अर्थ व्यवस्थायात सुधार यायेगु नितिं स्पेनं थप रोजगारी कटौती यायेमाःगु कारण समस्या ब्वलना वःगु खः ।

थौंकन्हय् स्पेनय् बेरोजगारीया ल्याः आःतक्कया हे दकले अप्वः अर्थात उच्च दरय् थ्यंगु गुगु न्हापा झिंप्यदँया उच्च बिन्दुइ थ्यंगु खः । स्पेनय् छुं दिं न्ह्यः जक सार्वजनिक याःगु छगू तथ्याङ्क कथं वर्तमान अवस्थाय् स्पेनय् बेरोजगार २१.३ प्रतिशततक्क थ्यनाः करिब पीगुंगू लख जनता बेरोजगार जूगु जानकारी ब्यूगु खः । स्पेनय् थौंकन्हय् खनेदुगु बेरोजगारी आर्थिक मन्दी व सार्वजनिक बजेट घाटाया कारण सरकारं आपालं क्षेत्रया रोजगारीया कटौती याःगु व निजी क्षेत्रं उचित मात्राय् रोजगारी सिर्जना यायेमफूगुलिं हे खः ।

More Stories Like this