हिबाहाः वइगु संभावना
येँ (झीगु स्वनिगः)
नेपाली कांग्रेसया नेतृ सुजाता कोइरालां जेठ १४ गते न्ह्यः दलतय्गु दथुइ सहमति मजुल धाःसा मुलकय् हिबाहाः वइगु अतरा दु धकाः धयादीगु दु । मुलुकयात हिबाहाः वइगु अवस्थां मुक्त यायेगु नितिं तत्काल हे दलतय्गु दथुइ राष्ट्रिय सहमतिया आवश्यकता दु धकाः नं वय्कलं धयादिल । म्हिगः सुनसरीया श्रीपुरय् संचारकर्मीतलिसे खँल्हासें कांग्रेसया नेतृ कोइरालां अथे धयादीगु खः । आःया अवस्थाय् नेपाःया माओवादीयात विश्वं स्वयाच्वंगु दु धयादिसें यदि थ्व इलय् माओवादी शान्ति व संविधानया नितिं इमान्दार जुयाः न्ह्याः वन धाःसा विश्वया इतिहासय् च्वनी धकाः नं धयादिल ।
