पलिस्थाया बाखं गोष्ठी
येँ (झीगु स्वनिगः)
पलिस्थाया २४ क्वःगु साहित्यिक ज्याझ्वःकथं म्हिगः थनया जगतसुन्दर ब्वनेकुथिइ पलिस्था मय्जु बाखं मुंज्या - ११३१ झः झः धायेक क्वचाःगु दु । वरिष्ठ बाखं च्वमि सुवर्णकेशरी चित्रकारया सभापतित्वय् जूगु उगु गोष्ठीइ झिम्ह मिसा बाखं च्वमिपिंसं थःपिनिगु बाखं दुथ्याकूगु खःसां च्याम्ह मिसा च्वमि पिंसं बाखं ब्वंकाः न्यंकूगु खः । बाखं ब्वना न्यंकादीपिं खः अमीरमैंया रञ्जित, विमला शाक्य, निमा बज्राचार्य, मोहिनी चित्रकार, रिना तुलाधर, रेवती राजभण्डारी, लोचनतारा तुलाधर व शशिकला मानन्धर लगायतपिं खः ।
दुहां वःगु बाखंया समीक्षा प्रा. प्रेमशान्ति तुलाधरं यानादीगु खःसा बाखं च्वमि मथुरा साय्मिं बाखं प्रस्तुती वा बांलाक्क ब्वनीम्हेसित व उपस्थिति ल्याः पाय्छि कथं धुकुमाः यायेफुम्हेसित स्वद्वः तका धेबा सिरपाः बीगु खँ कनादीगु खःसा प्रस्तुतीकरण बांलाक्क याःम्हेसित द्वःछि व नीन्हय्तका धेबा ब्यूगु दुसा अथेहे धुकुमाः सुनां नं पाय्छि कथं यायेमफुगुलिं उगु स्वद्वः तका धेबां सुनां नं त्याकेमफुगु खः । अथेहे म्हिगः हे जूगु यंगाः क्लब व लाय्न्स क्लब अफ सेरिङ्ग हर्टया ग्वसालय् यंगाः क्लबया बाषिर्क ज्याझ्वःकथं थीथी सामाजिक ज्याझ्वःया लिसलिसे धेंधेंबल्लाः कासा ग्वसाः ग्वयेगु ज्याझ्वलय् न्हापांगु ज्याझ्वःकथं हिदान ज्याझ्वः याःगु खःसा उगु ज्याझ्वलय् न्हय्न्याम्हसिनं ब्वति काःगु खः ।
मेगु छुं दिं लिपा यंगाः क्लबपाखें चेस धेंधेंबल्लाः कासा यायेत्यंगु नं ग्वसाः खलकं जानकारी ब्यूगु दु ।
