वीरेन्द्रया खाताय् झिंन्याद्वः जक

येँ (झीगु स्वनिगः)

तत्कालिन जुजु वीरेन्द्र शाहया नामय् दुगु बैंक खाताय् जम्मा झिंन्याद्वः जक दुगु खँ पिहाँवःगु दु । नेपाल ट्रष्टया ज्याकुथिं स्वदेशी व विदेशी बैंकय् वीरेन्द्रया सम्पति मालेगु झ्वलय् जम्मा झिंन्याद्वः तका जक दुगु जानकारी ब्यूगु खः । ट्रष्टं नेपाल राष्ट्र बैंकपाखें स्वदेशी लिसे विदेशी बैंकय् पत्राचार यानाः वीरेन्द्रया सम्पति विवरण Ïवंगु खः । ट्रष्टया पत्राचारलिपा ८ अपि्रलय् नबिल बैंकं वीरेन्द्रया नामय् थःगु बैंकय् जम्मा झिंन्याद्वः तका जक दुगु जानकारी ब्यूगु खः । तत्कालिन जुजु वीरेन्द्र व वय्कःया परिवारया नामय् दुगु चल-अचल सम्पति मालाः राष्ट्रियकरण यायेत दयेकूगु ट्रष्टं नबिल बैंकय् दुगु वीरेन्द्रया खाता रोक्का याःगु दु ।

ट्रष्टं तत्कालिन रानि ऐश्वर्या व अधिराजकुमार निराजनया नामय् स्ट्यान्डर्ड चार्टड बैंकय् पीस्वद्वः पाउन्ड स्टर्लिङ दुगु नं लुइकूगु दु । उगु धेबा ट्रष्टं थःगु स्वामित्वय् हयेधुंकूगु दु ।