आतंककारीया सूचीपाखें चीकेत शान्ति प्रकृया क्वचायेकेमाःगु सर्त

येँ (झीगु स्वनिगः)

अमेरिकां माओवादीयात आतंककारीया सूचीपाखें चीकेत शान्ति प्रकि्रया पूवंकेमाःगु सर्त तःगु दु । माओवादी न्वकु डा. बाबुराम भट्टराईलिसे शुक्रबाः जूगु नापलाये ज्याय् अमेरिकी राजदूत स्कट एच डेलिसीं शान्ति प्रकि्रयाया पूर्णतालिसे हे माओवादीयात आतंककारीया सूचीपाखें चीकेगु जानकारी ब्यूगु खः । शान्ति प्रकि्रयाया पूर्णतायात मेगु भाषाया सर्तया रुपय् न्ह्यःने चीकूसें राजदूत डेलिसीं धयादिल - शान्ति प्रकि्रया पूवंगु जूसा माओवादीयात आतंककारी सूचीपाखें चीकेत अःपुइगु खः ।

माओवादीं शान्ति व संविधान निर्माणय् निणर्ायक कुतः यायेगु प्रस्तावयात पारित याःगुलिइ लसकुस यासें राजदूत डेलिसीं गुकथं कार्यान्वयन जुइ धकाः भट्टराई दथुइ नुगः खँ तयादीगु खः । लिसलय् भट्टराईं शान्ति प्रकि्रयायात पूर्णता बियाः संविधान निर्माण यायेत माओवादीं याकनं हे सहकर्मी दलतलिसे वार्ता प्रकि्रया न्ह्याकेगु धाःगु वय्कःया निजी छ्याञ्जे विश्वदीप पाण्डें जानकारी बियादिल । राजदूत डेलिसीं अमेरिका माओवादीलिसे पूर्वाग्रही मदुगु जानकारी ब्यूसें नेपाःया मेमेगु राजनीतिक दलतलिसे थें हे माओवादीलिसे नं समान ब्यबहार याइगु जानकारी बियादीगु खः । उगु हे लसताय् न्वकु डा. भट्टराईं चीन, भारत व अमेरिकालिसेया स्वापू नेपाःया नितिं महत्वपूर्ण जुइगु धयादिसें शान्ति प्रकृया व संबिधान निर्माणलिसे थुपिं देय्तलिसे स्वापू विस्तारया नितिं माओवादीं कुतः याइगु धयादिल ।

राजदूत डेलिसीं नेपाःया शान्ति प्रकृयाय् अमेरिकाया सकारात्मक ग्वाहालि मालधाःसा ग्वाहालिमिया भूमिका निर्वाह यायेत तयार दुगु प्रस्ताव यानादीगु खः । भट्टराई निवास सानेपाय् जूगु नापलाये ज्याय् अमेरिकी राजदूत स्कट एच डेलिसीं शान्ति प्रकि्रयां याकनं स्वयाः याकनं पूर्णता दइगुलिइ अमेरिका विश्वस्त दुगु जानकारी नापं ब्यूगु खः ।