ठोस पलाः न्ह्याकेत दलतय्त इनाप : मुन
येँ (झीगु स्वनिगः)
संयुक्त राष्ट्रसंघया मू छ्याञ्जे वान की मुनं नेपाःया शान्ति प्रकि्रया व संविधान निर्माणया नितिं ठोस पलाः न्ह्याकेत दलतलिसे इनाप यानादीगु दु । नेपाःया शान्ति प्रकि्रया तसकं गम्भीर मोडय् थ्यंगु धासें मुनं अधिकतम लचकता छ्यलाः विवादित विषयलय् सहमति लिकायेत सुझाव बियादिल । शुक्रबाः बहनी विज्ञप्ति पिथंसें मू छ्याञ्जे मुनं शान्ति प्रकि्रयां गति कायेवं दलतदथुइया असमझदारीं समस्या खनेदुगु न्ह्यःथनादीगु खः ।
संविधान पिथनेगु नितिं ई वयेत लच्छि नं मदुगुलिइ च्यूताः प्वंकूसें मू छ्याञ्जे वान कि मुनं छधी छप्पँ जुयाः वनेत सुझाव बियादीगु दु । माओवादी लडाकुतय्गु समायोजन व व्यवस्थापनलिसे संविधान पिथनेत दिशाय् अधिकतम लचकता छ्यलाः वनाः साझा धारणा दयेकेत मू छ्याञ्जे वान कि मुनं राजनीतिक दलत दथुइ इनाप याःगु दु ।
