प्राइम कलेजया हनाज्याझ्वः
येँ (झीगु स्वनिगः)
येँया काठमाडौं महलस्थित ग्यालेक्सी पार्टी प्यालेसय् प्राइम कलेजया ग्वसालय् म्हिगः थीथी तहया विद्यार्थीतय्त हनेगु ज्याझ्वः याःगु दु । देय्या नितिं सक्षम, योग्य व जिम्मेवार नागरिक तयार यायेगु उद्देश्य ज्वनाः न्ह्याः वयाच्वंगु प्राइम कलेजं बिआईएम व बिबिए प्यंगूगु दँय् अप्वः नम्बर हयाः पास जूपिं विद्यार्थीतय्त हंगु खः । पास जूपिं विद्यार्थीतय्त शिल्ड व दसिपौ लःल्हाःगु उगु ज्याझ्वलय् डा. सुन्दर श्याम माथेमा, पि्रन्सिपल नरेश प्रसाद श्रेष्ठ, अभिभावक हरिनारायण श्रेष्ठ विद्यार्थी भावना श्रेष्ठ, विभूति श्रेष्ठ, सुनिल महर्जन, सुरज श्रेष्ठ लगायत व्यक्तिपिंसं नवानादीगु खः । मूपाहां भाजुं शिल्ड व दसिपौ लःल्हानादीगु खः ।
स्कूलया पलाः थासय् लायेमाः धकाः भिंतुना ब्यूगु उगु ज्याझ्वलय् मानिकलाल श्रेष्ठं मेमेगु कलेज नं गुणस्तरीय शिक्षा बीगु ज्या जुइ । तर प्राइम कलेजं बांलाःगु व स्तरीय शिक्षा बियाः विदेशय् वनीपिं विद्यार्थीतय्गु देशय् हे तयातयेत उगु कलेजं तःधंगु ज्या यानाच्वंगु दु धयादीगु खः ।
