केरा मांया सिं दयेकातःगु लोकंह्वाःगु ज्वलं

परासी (गु स्वनिगः)

शिव मन्दिरया मिसातय्सं केरा मांया सिं रेशा लिकयाः दयेकातःगु हस्तकलाया ज्वलंया लोकपि्रयता अप्वःगु दु । घरेलु लिसे चीधंगु उद्योग ज्याकू नवलपरासीया ग्वाहालिइ मिसाया शीपय् थप निखार हयेत घरेलु ज्याकुथिं वस्तुया विकास सम्बन्धी ज्ञान बियाः केराया रेशापाखें उत्पादन जुइगु वस्तुया कलात्मक हिसाबं बजारय् हयेफइगु धाःसां नं हस्तकलाया ज्वलंया लोकपिंयता अप्वःगु खः । केराया ज्वलनय् बजाःया समस्या मजुइगु मिलिजुली महिला बहुद्देश्यीय सहकारी संस्थाया नकिं खिना भुसालं धयादिल । म्हस्यूगु वस्तुइ गुणस्तर कायम यायेत व बजारय् हयेगु ज्याय् घरेलु ज्याकुथिं ग्वाहालि याःगु घरेलु लिसे साना उद्योग ज्याकू नवलपरासीया उद्योग अधिकृत श्रीधर पन्थीं धयादिल ।
फसल तयार जूगु केरा मांया सिंयात प्यकू टुक्रा यानाः मेशिनय् पेलेय् याःसा रेशा ल्हाय् वइगु व उगु हे रेशायात लखय् सिलाः निभालय् गंकाः लेडिज ब्याग, मोबाइल पर्स बास्केट ब्याग, तपुलि, चप्पल, डोरम्याट, टिप्याट लगायतया ज्वलंत दयेकेफु ।

वि.सं. २०६० सालय् जिल्ला कृषि विकास ज्याकू व जिल्ला विकास समिति नवलपरासीं मेशिन उपलब्ध याकेधुंकाः झिंखुम्ह मिसातय्सं मिलीजुली फाइबर उद्योग सञ्चालन यानाः रेशाया ज्वलं उत्पादन यानाः येँ लगायत देय्या थीथी भागय् थ्यंकेगु ज्या याःगु दु । केराया रेशापाखें उत्पादन जुइगु हस्तकलाया ज्वलं सौराहा, येँ, पोखरा व भैरहवाया बजारय् वनेगु यानाच्वंगु दु । पर्यटकं अप्वः ययेकूगुलिं थःपिनिगु उत्पादनय् आपालं लसतां न्ह्यःज्याःगु नायः भुसालं जानकारी बियादिल ।

More Stories Like this