गरिबी निवारण कोष व जिआइजेडदथुइ सम्झौता

येँ (एजेन्सी)

गरिबी निवारण कोष व जमर्न अन्तर्राष्ट्रिय सहयोग जिआइजेडं गरिबी न्यूनीकरणया नितिं जिल्ला व नगरपालिकाय् न्ह्यानाच्वंगु परियोजना थःथवय् समन्वय व सहकार्य अप्वयेकीगु जूगु दु । निगू निकायदथुइ जूगु उगु समझदारीकथं जिल्ला विकास समिति व नगरपालिकाय् बसोबास यानाच्वंपिं उपेक्षित समुदायया सःयात कयाः न्वंवाइगु स्थानीय परियोजनाय् थप सहजीकरण याइ । निगुलिं निकायं गरिबी न्यूनीकरण सम्बन्धी स्वंगू थीथी ज्याझ्वः न्ह्याकाः वयाच्वंगु दु । न्हूगु सम्झौता अन्तर्गत सार्वजनिक वस्तु लिसे सेवाय् गरिब लिसे सीमान्तकृत जनतायात पहुँच सुनिश्चित यायेत कृषकतय्त बजाः सम्बन्धी सूचना उपलब्ध याकेत व कृषि उत्पादनया बजाः स्वापूया नितिं ग्वाहालि यायेत निगुलिं संस्थां संयुक्त रुपय् ज्या याइ । कोषया न्वकु विद्याधर मल्लिकया ब्वतिइ म्हिगः कोषया ज्याकुथिइ थःथःगु संस्थायापाखें कोषया कार्यकारी निर्देशक राजबाबु श्रेष्ठ व जिआइजेडया देशीय निर्देशक डा. थोमस लबानं उगु सम्झौता सम्बन्धी समझदारी पत्रय् ल्हाःचिं तःगु खः ।

कोष व जिआइजेडपाखें न्ह्याकाच्वंगु ज्याझ्वलय् स्थानीय सुशासन सम्बन्धी ज्याझ्वः -सुनाग), गरिब लिसे विपन्नतय्गु आयआर्जन लिसे रोजगारीया नितिं ज्याझ्वः -इन्क्लुड) व ग्रामीण क्षेत्रय् जीविकोपार्जन सुधार ज्याझ्वः -आइएलआरए) लगायत दुगु खः । कोषं थौंकन्हय् पीगू जिल्लाय् सेवा बियाः वयाच्वंगु दुसा जिआइजेडया सुनागं बर्दिया, बाँके, कैलाली, सुर्खेत, दैलेख व कालिकोट जिल्लायात नापं कःघानाः तःगु दु । अथेहे इन्क्लुडं न्यागू जिल्लाय् थःपिनिगु ज्याझ्वः न्ह्याकाः वयाच्वंगु दु । आइएलआरएं बैतडी व बझाङ जिल्लाय् ज्या यानाच्वंगु जानकारी ब्यूग दु । एशिया शहरया हे खँ ल्हाय्बलय् चीनया सांघाई व मलेशियाया क्वालालम्पुर नं विश्वया प्रमुख शहरया दर्जाय् थःगु थाय् च्वये यंकेत ताःलाःगु सर्भेक्षणय् न्ह्यःथनातःगु खः । शहरया स्तरवृद्धिया नितिं निर्धारित मापदण्ड पूवंकाः प्रगतिया पथय् दुगु विश्वया प्रमुख शहर बोस्टन, म्युनिक, मिलान, मुम्बई व रियो दि जेनेरियो लगायत दुगु खः । विश्वया सच्छि व ख्वीगू शहरया अध्ययन यानातःगु उगु सर्भेक्षण सन् २०१० या अन्त्य तक्कया आर्थिक प्रगति व वइगु सन् २०२० तक्कयादुने विश्वया प्रमुख शहरया अवस्थाया बारे पूर्वानुमान यानातःगु दु ।

More Stories Like this