निःशुल्क दन्त शिविर
येँ (झीगु स्वनिगः)
नेपाल लोकतान्त्रिक नेवाः संघ, २० वडा कचाया ग्वसालय् निशुल्क दण्तं शिविर न्ह्याकूगु दु । हरिवदन चित्रकारया सभापतित्वय् जूगु उगु शिविरयात देउराली जनता फर्मा मेडिकल, लुगस फर्मां वासः वियाः ग्वाहालि याःगु खः ।
सभासद् डा. मंगलसिद्धि मानन्धर मू पाहां कथं झायादीगु उगु ज्याझ्वलय् संघया नायः सानुराजा शाक्य लगायत व्यक्तिपिसं नवानादीगु खः । सुथसिया १० ताः इलय् न्ह्याःगु उगु शिविरय् ५० म्ह मनूतय्सं थःगु वा क्यंगु खः । थुकिया नितिं माःगु प्राविधिक ग्वाहालि पिपल्स डेन्टल कलेज एण्ड हस्पिटलं याःगु खः ।
