धः जायाः लः बाहाः

येँ (झीगु स्वनिगः)

थनया २९ वडा स्थित सामाखुसिया द्यःबुँया वहचा धंगु धः अस्तव्यस्त जुयाः सतक दथुं उगु खुसिचा वाहाः वयाः लँ छप्पुं खुसि जूगु दु । १५ फिट दयेमाःगु उगु धः जःखः च्वंपिसं अतिक्रमण यायां ३/४ फिटय् सीमित जूगु व धः नं खुल्ला जूगुलिं मनूतय्सं फोहर वाछ्वयाः अस्तव्यस्त यानाव्यूगु खः । अथ्यहे धः अतिक्रमण यानाः दयेकाः च्वंपिनिगु पःखाः आदि स्थानिय उपभोक्ता समितिं निरिक्षण यानाः छथाय् निथाय् पीगु तकं ज्या याःगु दु । २९ वडा व १६ वडाया दथुइ लाःगु उगु धः दयेकेत व त्वपुइत वडा कार्यालय व महानगरपालिकायात इनाप याःसां ध्यान मव्यूगु धाःगु दु ।