जनतान्त्रिकपाखें ल्वाभः त्वःतूगु घोषणा

येँ (झीगु स्वनिगः)

तराई लागाय् सशस्त्र संघर्ष यानाः वयाच्वंगु जनतान्त्रिक तराइ मुक्ति मोर्चां म्हिगः शनिवाःनिसें ल्वाभः त्वःतागु घोषणा याःगु दु ।सशस्त्र संगठनया गतिविधियानाः मधेसया बदनाम जूगु खँ न्ह्यथसें न्ह्याबलेंया नितिं ल्वाभः त्वःतागु धकाः घोषणा याःगु खः । म्हिगः शनिवाः राजविराजय् पत्रकार सम्मेलन यानाः मोर्चाया केन्दीय नायः उत्र्ष मुक्ति धाइम्ह राजीव झा नं अथे सशस्त्र संघर्ष त्वःतागु धकाः घोषणा याःगु खः । आःया अवस्थाय् मधेस मुक्तिया आन्दोलनयात वैज्ञानिक कथं न्ह्यब्वाकेमाःगु आवश्यकता दु धयासें अथे जनतान्त्रिक तराई मुक्ति मोर्चां ल्वाभः त्वःतागु धकाः घोषणा याःगु खः । सशस्त्र अन्दोलनं क्रान्तिया अवमूल्यन याःगु ठहर तकं मोर्चां याःगु दु ।

मधेसया जनताया मनोभावना शान्तिपूर्ण जनविद्रोह जूगुलिं ल्वाभःया राजनीति न्ह्याबलेंया नितिं त्वःतागु जुल धकाः घोषणा याःगु खः । अथे शसस्त्र पुचलं ल्वाभः त्वःतूगुयात मनूतयसं सकारात्मक रुपं कयाहःगु दु ।