'१७ साल हाकनं वयेफु’
येँ (झीगु स्वनिगः)
एकीकृत नेकपा -माओवादी) या न्वकु डा. बाबुराम भट्टराई नं जेठ १४ गते संविधान दयेके मफत धाःसा ०१७ साल हाकनं वयेफु धकाः आशंका यानादीगु दु । गथे नेतातय्गु अदुरदर्शीया कारणं ०१७ सालय् प्रजातन्त्र गुमेजुल अथे हे दलया नेतात विभाजीत जुयाः जेष्ठ १४ लिपा अज्वःगु हे हविगत जुइफु । म्हिगः शनिवाः चितवनय् छगू ज्याझ्वलय् न्ववायेगु झ्वलय् नेता भट्टराई नं धयादिल 'जेठ १४ लिपा फुक्क दलतसें छगू हे धारणा दयेकाः महासंकटपाखें देशयात बचेयायेमाः ।' जेठ १४ दुने संविधान दयेके मफत धाःसा गबले तकया दुने संविधान दयेकेफै धकाः मंकाः धारणा तयार यायेमाः धकाः नं वय्कलं बहः बियादिल । वय्कलं संविधान जारी मजूतले गुगु नं हालतय् संविधानसभा भंग जुइमखु नं धयादिल ।
