बन्द ताःलाकेत स्वनिगःया थीथी थासं मसाल जुलुस
नेवाः ताम्सालिङ बन्द ताःलाकेत थौं सनिलय् स्वनिगःया थी थी थासं मसाल जुलुस पिहांवल । थ्वहे झ्वलय् थौं सनिलय् येँया रत्नपार्कस्थित शान्तिबाटिकां मसाल जुलुस पिहांवःगु खः । उगु जुलुस बागबजाः, पुतलीसतक, डिल्लीबजाः, मैतिदेवी, पुलांगु बानेश्वर जुयाः गौशाला चोकय् क्वचायेकूगु खः ।
संघीयता विरोधीपिन्त होशियार यायेगु, महंगी नापं लोडसेडिङ विरोधया नापनापं संविधान इलय् पितबीकेगु लागि कन्हय्या बन्द याये न्ह्यः जूगु उगु जुलुसय् सभासद दीलिप महर्जन, नेवाः स्वायत्त राज्य मंकाः संघर्ष समितिया नायः राजभाई जकःमि, नेवाः देय् दबूया नायः नरेश ताम्रकार, संरक्षक मल्ल के. सुन्दर, ताम्सालिङ संयुक्त संघर्ष समितिया कमान सिंह लामा आदि लगायत आपालं न्ह्यलुवापिनिगु उपस्थिति दुगु खः ।
गौशाला चोकय् मसाल जुलुस समापन यायेगु झ्वलय् नेवाः स्वायत्त राज्य मंकाः संघर्ष समितिया नायः राजभाई जकःमिं नेवाःत साँस्कृतिक, सामाजिक रुपं जक मखु आः राजनीतिक रुपं नं दनावःगु दु धयादिसें कन्हय् जुइगु बन्द ताःलाकेत सकसितं इनाप यानादिल । अथेहे ताम्सालिङ संयुक्त सघर्ष समितिपाखें कमान सिंह लामां नेवाः व तामाङ दथुइ थीथी विवाद दयाच्वंगु धइगु हल्ला भ्रामक खः धइगु थुकिं क्यनाबिउगु खँ धयादिल ।
थ्वहे झ्वलय् यलया पाटनध्वाखापाखें नं कन्हय् बन्द ताःलाकेगु लागि सनिलय् मसाल जुलुस पिहांवःगु दु । उगु जुलुस पूच्व, जाह्वलाख्यः, मानभवन, कुमारीपाटी जुयाः लगंख्यलय् थ्यंकाः क्वचाःगु खः । उगु जुलुसयात नेवाः स्वायत्त राज्य मंकाः संघर्ष समिति यल जिल्लाया सुरेश प्रधान, मुक्ति मोर्चाया जय बहादुर श्रेष्ठ आदिपिन्सं सम्बोधन यानादीगु खः ।
Related Stories
नेवाः-ताम्सालिङ बन्दया झ्वलय् जुइगु ज्याझ्वः नेवाः व ताम्सालिङ संघर्ष समितिं मंकाः रुपं आन्दोलन घोषणा धिमे थाना बन्दया प्रचार बन्दया प्रचार यायेत सांस्कृतिक र्याली नेवाः ताम्सालिङ बन्द ताःलाकेत यलय् सहलह मुँज्याMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
