१४ गतेया बन्दय् प्रेस व एम्बुलेन्सया गाडी चलेयाये दइगु
नेवाः-ताम्सालिङ संयुक्त संघर्ष समितिं थ्वहे वइगु वैशाख १४ गते आव्हान याःगु नेवाः-ताम्सालिङ क्षेत्र बन्दया झ्वलय् प्रेस व एम्बुलेन्सया गाडी धाःसा निर्वाध रुपं चलेयाये दइगु जूगु दु ।
संयुक्त संघर्ष समितिया थौं च्वंगु मुँज्यां बन्दया झ्वलय् एम्बुलेन्स, प्रेस नापं राष्ट्रसंघया मानव अधिकार समिति, राष्ट्रिय मानव अधिकार आयोग, मानव अधिकारया व्यानर दुगु सवारी साधन, रेडक्रस व बिरामी दुगु सवारी साधनय् धाःसा छुं नं मयायेगु निर्णय याःगु ख: ।
मुँज्या लिपा संयुक्त संघर्ष समितिं छगू प्रेस विज्ञप्ति पिथना जनताया ताःहाकःगु संघर्ष, त्याग व बलिदान लिपा प्राप्त संघीयता, लोकतन्त्र, गणतन्त्र व धर्मनिरपेक्षता विरुद्ध षड्यन्त्र जुयाच्वंगुलिं उकिया विरुद्ध जनदवाब ब्वलंकेत बन्द यायेत्यंगु खँ न्ह्यथनातःगु दु ।
नेवाः स्वायत्त राज्य मंकाः संघर्ष समितिपाखें राजभाइ जकःमि व ताम्सालिङ संयुक्त संघर्ष समितिपाखें परशुराम तामाङं ल्हाःचिं तयातःगु विज्ञप्तिइ वैशाख १४ गतेया बन्द छुं नं छगू वर्ग, समुदाय व क्षेत्रनाप जक सम्बन्धित मजूसें फुक्कं देय्या हे मंकाः सवाल जूगुलिं बन्द ताःलाकेत इनाप नं यानातःगु दु ।
Related Stories
नेवाः व ताम्सालिङ संघर्ष समितिं मंकाः रुपं आन्दोलन घोषणा धिमे थाना बन्दया प्रचार बन्दया प्रचार यायेत सांस्कृतिक र्याली नेवाः ताम्सालिङ बन्द ताःलाकेत यलय् सहलह मुँज्याMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
