नागरिक संघर्ष समितिपाखें सुगतरत्न कंसाकारयात हन
न्यायया निंतिं नागरिक संघर्ष समितिपाखें नेपाल वायुसेवा निगमया कार्यकारी अध्यक्ष सुगतरत्न कंसाकारयात हन । थनया क्षेत्रपाटी पार्टी पालेसय् सनिवाः सुथय् जूगु छगू समारोहय् वय्कःयात थीथी संघ संस्था व व्यक्तितपाखें खादा व स्वांमाः क्वखायेकाः हनेज्या याःगु खः ।
ज्याझ्वलय् सन्मानित व्यक्तित्व सुगतरत्न कसाकारं नेपाः गरीब देश मखु धनी देश हे खः धयादिसे थ्व देशयात शासकतय्सं याना हे जक गरीब यानातःगु द्वप बियादिल ।
नेवाः स्वायत्त राज्य मंकाः संघर्ष समितिया सचिवालय सदस्य मल्ल के. सुन्दरं सुगतरत्नयात अख्तियार व लेखा समितिपाखें अन्याय याःगु कारणं अन्यायया विरोधय् देय् न्यंकया न्यायप्रेमि जनता दनावःगु न्ह्यथंसें थ्व इलय् सकल नेवाःतय्सं गौरव तायेकाच्वंगु न्ह्यथनादिल । सभासद् बुद्ध साय्मिं निष्कलंक चरित्रया कारणं आत्मबल बल्लाम्ह छम्ह नेवाःया स्वाभिमानयात धस्वाकेत न्ह्यागु आन्दोलन ताःलागु खँ कनादिल ।
नेवाः जागरण मञ्च व न्यायया निंतिं नागरिक संघर्ष समितिया संयोजक सुजीव बज्राचार्यया सभापतित्वय् जूगु उगु बधाई ज्ञापन ज्याझ्वलय् थीथी संघ संस्थापाखे दिपंकर श्रेष्ठ, बितीय संस्थापाखं राजेन्द्रमा शाक्य, छेँजःपिंपाखे वय्कःया दाजु त्रिलोकरत्न कंसाकार, नेवाः जागरण मञ्चया छञ्याजे विजयकृष्ण श्रेष्ठ, मिसा प्रतिनिधि रेणु तुलाधर, भरतलाल श्रेष्ठ, पवित्र बज्राचार्य, शुभराज शाक्यिपंसं थः थःगु नुगः खँ कनादीगु खः ।
किपा : अशोक तुलाधर
Related Stories
कंसाकार विरुद्धया मुद्दा षड्यन्त्रमूलक : जागरण मञ्च कंसाकार जेल चलान सुगतरत्नया समर्थनय् जुलुस कंसाकारयात कारवाही विरुद्ध नेवाःत सतकय् कंसाकार विरुद्धया कारवाही खारेज यायेत नेवाःतय् माग कंसाकारया पक्षय् संघर्ष यायेत समिति गठन 'कंसाकार प्रकरण इमान्दार नागरिकत प्रति जूगु षड्यन्त्र'More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
