'नेवाः देय् दबू, पथरिया' नीस्वन
झापा जिल्लाया दक्षिणपाखेच्वंगु पथरिया गाविसय् छगू नेवाः मुना ज्याझ्वः जुल । पथरिया नेवाः मुना ग्वसाः खलःया ग्वसालय् जूगु थुगु नेवाः मुना पथरिया गाविसय् जूग खः ।
ग्वसाःखलःया नायः गणेश श्रेष्ठया नायःसुइ जूगु नेवाः मुना ज्याझ्वलय् मूपाहाँ नेवाः देय् दबू, झापा जिल्लाया नायः कृष्ण उदास झायादीगु खःसा विशेष पाहाँकथं राष्ट्रिय आदिवासी जनजाति महिला संघ, झापाया न्वकू गंगादेवी श्रेष्ठ झायादीगु खः ।
स्थानिय नेवाः ब्यक्तिपिं नापं थीथी राजनितिक पार्टीया प्रतिनिधिपिंसं ब्वतिकाःगु थुगु मुनां 'नेवाः देय् दबू, पथरिया' शाखा नं नीस्वंगु खः ।
भाजु गणेश श्रेष्ठया नायःसुइ नीस्वंगु थुगु कमिटी न्वकू, छ्यांजे, ल्यू छ्यांजे, व दांभरि छसिकथं डम्बर कुमारी श्रेष्ठ, डिल्ली श्रेष्ठ, मुक्तीमान श्रेष्ठ व युवराज श्रेष्ठ च्वनादीगु दुसा दुजलय् छसिकथं अंजु श्रेष्ठ, नैन कुमारी श्रेष्ठ, रोहित श्रेष्ठ व लिला श्रेष्ठ च्वनादीगु दु ।
ज्याझ्वलय् न्ववानादिसें मूपाहाँ भाजु उदासं नेवाः पहिचान व नेवाः स्वायत्त गणराज्यया लागि आन्दोलन यानाच्वनागु व आः जुइत्यंगु राष्ट्रिय जनगणना २०६८ यात सुथांलाकेत नेवाः जातिया भाय्, धर्मया सहि तथ्यांङ्क कायेकेत थुगु गठन जूगु नेवाः देय् दबू, पथरिया कमिटीं गांगामय् छेँय् छेँय् वना ध्वाथुइकेगु लिसें थुगु ज्याझ्वःया जिम्मेवारी कायेमाःगु बिचाः प्वंकुसें भिंतुना देछायादिल ।
News Location:
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
