धिमे थाना बन्दया प्रचार
Posted on Sat Apr 16, 2011 3:38 pm NST
वइगु वैशाख १४ गतेया नेवाः व ताम्सालिङ प्रदेश बन्दया ज्याझ्वः ताःलाकेत नेवाः व ताम्सालिङं मंकाः संघर्ष समितिं थौं धिमे थाना बन्दया प्रचार यात ।
मंकाः संघर्ष समितिया फुक्कं घटकया दुजःत व सर्वसाधारणत येँया बसन्तपुली मुनाः कुमारीया खः सालीगु रुट चाहिउगु खः । सुथय् ७ बजे सुरु उगु सांस्कृति र्याली थःने व क्वःने चाहिलेधुंकाः थंबहिली थ्यंकाः छगू कोणसभाय् हिउगु खः ।
कोणसभायात नेवाः स्वायत्त मंकाः संघर्ष समितिया नायः राजभाई जकःमि व ताम्सालिङ संयुक्त संघर्ष समितिया दुजः देवकुमार लामां सम्बोधन यानादीगु खः ।
थ्वहे झ्वलय् नेवाः देय् दबू व प्रमुख स्वंगू दल माओवादी, कांग्रेस व एमानेया नेवाः व तामाङ नेतात मिलेजुयाः कन्हय् मकवानपुर, धादिङ व चितवनय् बन्द प्रचार याइगु जूगु दु ।
News Location:
