कन्हय् उदाय् मुना

उदाय् समाजं कन्हय् शनिवाः उदाय् मुनाः यायेत्यंगु दु । 'उदाय् संस्कृत न्ह्याज्याके, उदाय् भावना ब्वलंके' धइगु नारा थ्वयेकाः उगु ज्याझ्वः यायेत्यंगु ख: ।

येँया भृकुटीमण्डपय् सुथय् १० बजे निसें जुइगु ज्याझ्वः सनिलय् ६ बजे तक न्ह्याइगु खँ ग्वसाः खलकं धाःगु दु । ज्याझ्वलय् किपा ब्वज्या, नेवाः साँस्कृतिक म्ये, प्याखँ प्रहसन नापं मस्त म्हितेगु कासात नं दुथ्याइगु खँ धाःगु दु ।

विशेष यानाः ल्याम्ह पुस्तायत लक्षित यानाः ग्वसाःग्वःगु ज्याझ्वलय् नेवाःतय् आजुपिंसं दयेका थकूगु संस्कृति व जीवनोपयोगी हलंज्वलंया प्रदर्शनी नं दइ । ज्याझ्वःया फुक्कं तयारी पूवनेधुंकूगु खँ ग्वसाः खलकं धाःगु दु ।

More Stories Like this