बन्दया प्रचार यायेत सांस्कृतिक र्याली
नेवाः व तामाङ मंकाः संघर्ष समितिं वइगु बैशाख १४ गते यायेत्यंगु नेवाः व ताम्सालिङ प्रदेश बन्दया ज्याझ्वःया प्रचार यायेत कन्हय् (बैशाख ३ गते, शनिवाः) छगू सांस्कृतिक र्याली पिथनीगु जूगु दु ।
ज्यापु महागुथीया ग्वाहालिइ कन्हय् सुथसिया ७ बजे येँया बसन्तपुली मुनाः सांस्कृति र्याली यायेत्यंगु खः । उगु सांस्कृतिक र्यालीं बाजं सहित १४ गतेया बन्द ताःलाकेत इनाप याइगु खँ नेवाः स्वायत्त राज्य मंकाः संघर्ष समितिया नायः राजभाई जकःमिं कनादिल ।
वय्कलं र्याली कुमारीया खःसालीगु रुट थःने व क्वःने जुयाः थँबहली थ्यंकाः छगू कोणसभा यानाः क्वचायेकीगु जानकारी बियादिल ।
लुमंकेबहजु, मंका: संघर्ष समितिं नेपाःया न्हूगु संविधान इलय् हे जारी यायेमा:गु, संघीयता, लोकतन्त्र व गणतन्त्रयात सुनिश्चितता यायेमाःगु, नेवाः-ताम्सालिङ अखण्डित प्रदेशया सुनिश्चितता यायेमाःगु, नेपाःया आदिवासीया भूमिइ गुगुं नं नामं प्रदेश दयेके मजिउगु नापं थीथी कथंया मागः यानाः वइगु बैशाख १४ गते नेवाः व ताम्सालिङ प्रदेश बन्द आह्वान याःगु दु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
