बोडे म्ये प्वाखनीगु जात्रा
थौं ख्पय जिल्लाया मध्यपुर थिमि नगरपालिकाया बोडे नगरय् म्ये प्वाखनीगु जात्रा जूगु दु । स्वन्हू न्ह्यः निसें निराहार च्वना चोखो जुयास्थानिय जुजुभाइ बासँ श्रेष्ठं नगरय् म्ये प्वाः खने । म्ये प्वाःखनेबले पुण्य प्राप्ति जुया स्वर्गय् वास जुइगु नापं मनं चितेयाःगु खँ पूवनीगु धार्मिक जनविश्वास दु ।
थुगु जात्रा सम्बन्धय् छगू किंवदन्ती प्रचलित दु । किवदन्ती कथं परापूर्वकालय् बोडे नगरय् पिशाचतय्सं तसकं दुःख बिइगु यानाहयेवं स्थानिय मनूत मुना भीमदत्त कर्माचार्य नांयाम्ह तान्त्रिकया न्ह्यःने पीरमर्का तल । तान्त्रिकं पिशाचयात ज्वनेगु जुक्ति अपनेयाना बोडे परिपरिय् जाः तल । छन्हू दुःख बियाच्वंम्ह विशाच जालय् क्यन अले बोडेया मनूतय्सं ज्वना उम्ह पिशाचयात अनेकौं यातना बिल । तँया भुवंकय् पिशाचया म्ये तकं मुलुं तिया प्वाः खनाबिल । यातना लिपा तान्त्रिकं पिशाचयात नगरय् वया सुयातं दुःख मबिइगु अनिकाल वयेके मबिइगु महामारी फैलेमयायेगु भुखाय् मब्वयेकीगु अतिवृष्टि अनावृष्टि जुइमे मबिइगु न्हय्दँ तक क्वःछिनातःगु इलय् वया म्ये प्वाः खंकेगु व बोडेयात धार्मिक स्थल देयेकेगु थें जाःगु न्हय्गु बन्धन याना मुक्त यानाब्युगु धापू दु । थ्वहे बाचा कथं न्हय्दँ तक क्वःछिनातःगु इलय् वया पिशाचं म्ये प्वां खंकूगु व वयां लिपा नगरय् खनेमदुगु धापू दु । थ्वहे लसताय् न्ह्याकूगु जात्रायात नगरया बासिन्दां थौं तक म्वाकातःगु दु ।
थौं म्ये प्वाः खनेधुंकाः म्ये प्वाःखं म्हेसिनं मि च्याकातःगु पँ ज्वना नगर चाःहिलेमाःगु परम्परा दुसा अनया स्वखः जात्रा याना द्यःया पिठय् यंकाः चाःहिकी ।
News Location:
Related Stories
तःजिक हन मध्यपुर थिमिइ सिन्दुर जात्राMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
