तःजिक हन मध्यपुर थिमिइ सिन्दुर जात्रा
ख्वप जिल्लाया मध्यपुर थिमिइ थौं तःजिक सुथसिया जात्रा अथेधयागु भ्वइसिन्ह जात्रा क्वचाल । दँय्दसं वैशाख २ गते थिमि नगरय् हनीगु थुगु जात्राय् स्वीनिखःया जात्रा यायेमाःगु परम्परा दु । अथेखःसां थौंया जात्राय् धाःसा नीस्वखः जक जात्राया नितिं बालकुमारी देगलय् हल ।
थुगु जात्राया तसकं न्ह्याइपूगु लू धैगु हे भ्वइसिन्ह होलीगु छ्वाकीगु व ईकीगु खः । थ्वहे हुनिं थुगु जात्रायात भ्वइसिन्ह जात्रा धायेगु याःगु खः । सुथसिया जात्रा भ्वइसिन्ह जात्रा सिन्दर जात्राया नामं ल्वकंह्वाःगु थुगु जात्राय् धिमे बाजाया तसकं महत्व दु । धिमे बाजाया तालय् थीथी त्वाःया द्यःखःयात प्याखं हुइका जात्रा याइ । नगर दुनेया गणेद्यः निसें मेमेगु थीथी देवगण दुथ्याःगु खः चान्हय् सिन्दुर जात्राया निितं बालकुमारी परिसरय् हयातःगु खः । बालकुमारी परिसरय् हःगु खःयात थौं सुथय् बालकुमारी परिसरमय् केन्द्रित याना सिन्दुर जात्रा न्यायेकल । जात्रा लिपा थःथःगु त्वाःया खःयात थःथाय् जात्रा याना यंकूगु खः ।
थौंया जात्राय् नगदेशया गणेद्यःया खः महयेकं जात्रा सुरु मजुइगु मान्यता दु । तर छुं दँ थुखे ल्वापूया हुनिं नगदेशया गणेद्यः हयेगु त्वतेवं नगदेशया गणेद्यःया खः दुमथ्याकुसें जात्रा यायेगु यानावःगु दु । नेपाल सम्वत ७०० निसें थुगु जत्रा हनेगु यानावःगु खः धैगु विश्वास दु ।
News Location:
Related Stories
बोडे म्ये प्वाखनीगु जात्राMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
