नेवाः बाजं स्यनेकुथिया उलेज्या

येँ महानगरपालिकाया ग्वाहालिइ निस्वंगु नेवाः बाजं स्यनेकुथिया उलेज्या मंगलावा: (चौलाथ्व नवमि) छगू ज्याझ्व:या दथुइ जुल । नेपाल आदर्श माबि गणबहालय् नेवाः बाजं स्येनाकुथिया नाय: विपेन्द्र महर्जनया सभापतित्वय् उगु ज्याझ्व: जूगु ख: ।

ज्याझ्वलय् न्ववानादिसें मूपाहाँ सभासद दिलिप महर्जनं नेवाः बाजं संस्कृतिक ल्वाभं कथं नेवाः तयेगु हक अधिकारया निंतिं छ्यलेमा:गु धयादिल । अथेहे नेवा: देय् दबूया नायः नरेश ताम्रकारं नेवाः बाजं सुं छम्ह व्यक्ति वा पुच:या प्रतिनिधित्व मजुसें नेवाः एकताया कथं छ्यलेत स्यनेकुथियात इनाप यानादिल ।

स्यनेकुथिया न्वकु धर्म मुनिकरं लसकुस यानादीगु ज्याझ्वलय् पाहाँ कथं झायादीपिं नेवा: स्वायत्त राज्य मंका संघर्ष समितिया वर्तमान नाय: राजभाई जक:मि, नेपालभाषा स्यनेगुथिया महेशमान श्रेष्ठ, ज्यापु महागुथिया राम डंगोल, बाध्यबाधक न्हुछे बहादुर डंगोल, इन्दमान सिं सुवालं नेवाः बाजं स्यनेकुथियात भिन्तुनां बियादीगु ख: ।

More Stories Like this