खास्ति नेवाः पुचःया त:मुँज्या
येँया ग्वलय् छगू नेवाः भ्वय् याना: खास्ति(बौद्ध) नेवाः पुचःया त:मुँज्या क्वचा:गु दु । खास्ति नेवाः पुचःया नाय: भाजु तुल्सी भक्त श्रेष्ठया सभापतित्वय् जूगु ज्याझ्वःया मुँपाहा कथं नेवाः देय् दबूया नाय् भाजु नरेश ताम्राकार झायादीगु खः ।
ज्याझ्वःयात सम्वोधन यानादिसें नेवाः देय् दबूया नायः नरेश ताम्रकारं नेवाः तयेगु पहिचान सहितया नेवाः राज्य पलिस्था यायेत खास्ति नेवाः पुचलं म्हितुगु भूमिका च्वछायेबहजूगु धयादिसें नेवाः राज्य पलिस्था यायेत फुक्कं नेवा:त अग्रसर जुइमा:गु धयादिल । नेवाः व तामाङत दथुइ कच्वं दु धका: धयाच्वंगु इलय् नेवा: व ताम्सालिङत दथुइ समिति स्वनाः मंका: आन्दोलन यायेगु धका: जूगु निर्णय ऐतिहासिक जूगु धयादिल
वय्कलं वइगु जनगणना २०६८य् थ:गु जातय् नेवाः व माँभाय् नेवाः भाय्, निगूगु भाय् तामाङ्ग थाय् वा मेगू आदिवासी भाय् च्वयेत इनाप यानादिल । अथेहे मेपिं आदिवासीतय्त न्हापांगु भाय् थ:गु माँभाय् व निगूगु भाय् कथं नेवा: भाय् च्वयेत इनाप यायेमा:गु धयादिल ।
त:मुँज्यां तुल्सीनारायण श्रेष्ठया नाय:सुइ न्हूगु कार्यसमिति निस्वंगु दु । कार्यसमितिइ दुर्गामान शाक्य, मोहन शाक्य व तेजरत्न शाक्य न्वकु, अन्मोल श्रेष्ठ छ्याञ्जे, सुभाषराज शाक्य दांभरी, राधिका श्रेष्ठ ल्यू छ्याञ्जे व गौतमबुद्ध शाक्ययात ल्यू दांभरी कथं ल्य:गु दु । अथेहे केशव चरण श्रेष्ठ, कञ्चन श्रेष्ठ, निर्मला श्रेष्ठ, दिनेश श्रेष्ठ, रामहरि श्रेष्ठ, देव बज्राचार्य, सुशीलमान श्रेष्ठ, सुग्रीप संगत, सुभराज श्रेष्ठ व प्रदिप रत्न शाक्य कथं ल्य:गु दु ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
