टोकियों सन् २०२०या ओलम्पिक ग्वसाःग्वयेत दावेदारी न्ह्यब्वइगु

Posted on Mon Apr 11, 2011 2:50 pm NST

तःभुखाय् पाखें अस्तव्यस्त जुयाच्वंगु जापानं सन् २०२०या ओलम्पिक ग्वसाःग्वयेत दावेदारी न्ह्यब्वयेगु योजना दयेकूगु दु । सन् २०१६या ओलम्पिक ग्वसाःग्वयेत जूगु भोटिङय् रियो डि जेनिरियोनाप बुगू टोकियों सन् २०२०या निंतिं हानं प्रतिस्प्रधा याइगु जूगु दु ।

टोकियो शहरया गर्भनर सिनतारो इसिहारां थःगु प्यंगूगु कार्यकालया निंतिं निर्वाचनय् उम्मेदवारी घोषणा याःगु ज्याझ्वलय् वय्कलं थुगु खँ धयादीगु खः । वय्कलं सन् २०२०या ओलम्पिक जुइत गुदँ दनीसां झीसं आवंनिसें थुगु पलाः न्ह्यकेमाःगु धयादिल ।

सन् २०२०या ओलम्पिकया ग्वसाःग्वयेगु निंतिं टोकियो नापं बर्लिन, बुसान, केप टाउन, डोहा, रोम व इस्तानबुलं नं इच्छुक जुयाच्वंगु दु । सन् २०१३य् अर्जेन्टिनाया राजधानी बुनोस आयर्सय् जुइगु निर्वाचनं २०२०या ओलम्पिक ग्वसाःग्वइगु शहरयात ल्यइ ।