थनिंनिसें जनबहाःद्यःया रथजात्रा सुरु
येँया जनबहालय् च्वंम्ह तुयूम्ह लोकेश्वर जनबहाद्यःया रथजात्रा थनिंनिसें सुरु जुइत्यंगु दु । नेपाल संवत् कथं चौलाथ्व अष्टमि अथेधयागु चैतेदशैंया दिंनिसें स्वन्हू तक रथ जात्रा यायेगु परम्परा कथं थौं रथ जात्रा जुइत्यंगु खः ।
रथ जात्राया निंतिं जमल तीनधारा पाठशाला न्ह्यःने स्वीनिकू ताःहाकःगु रथ दयेकेगु ज्या लिपांगु चरणय् थ्यंगु दु । जनबहाःया गुरुजुतय्सं ब्यूगु जानकारी कथं थौं ४ बजे रथ जात्राया नितिं द्यःयात रथय् तइ । रथ जात्राया निंतिं जनबहालं जनबहाःद्यःयात खटय् तया जमः तक थ्यंकाः रथय् तयेगु ज्या जुइ । रथय् तयेधुंकाः रथयात रत्नपार्क, भोटाहिती जुया असनय् थ्यंकाः याः न्यायेका थौंया जात्रा क्वचायेकी । गुरुजुया पल्टनं हर्षबढाइ याना तोप तयेवं येँया मौलिक बाजागाजा नापं रथ जात्रा सुरु जुइ ।
आर्यावलोकितेश्वर, करुणामय, लोकेश्वर, जनबहाद्यः, सृष्टिकान्तलोकेश्वर आदि नामं ल्वकंह्वाम्ह तुयूम्ह मच्छिन्द्रनाथया पोहेलाथ्व अष्टमिया दिं न्हवं याना स्वला लिपा रथजात्रा यायेगु परम्परा दु ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
