न्ह्यात बिस्काः जात्रा

ख्वपय् हनीगु विस्का जात्रा थनिंनिसें विधिवत रुपय् सुरु जूगु दु । न्हू दँया प्यन्हू न्ह्यः न्यातपौ देगः न्ह्यःने भैलद्यःयात रथय् विराजमान याका जात्रा सुरु यात । थौंया रथजात्राया नितिं तौमढिइ तान्त्रिक विधि कथं निखः रथ दयेकूगु खः ।

थहने व क्वहने त्वाः याना निगू त्वालय् रथजात्राया नितिं रथ सालाच्वंगु दु । गुगु त्वालय् रथ साल उगु त्वलाय् थौं जात्रा जुइ । थहने रथ साल धाःसा सुकुलढोका गोलमढी दत्तात्रय तक रथजात्रा याना हाकनं तौमढि हया जात्रा क्वचायेकीसा क्वहने रथ साल धाःसा नासना वंशगोपाल तखापुखु व कोन्हेटोलय् रथजात्रा याना हाकनं तौमढी त्वालय् थ्यंका जात्रा क्वचायेकी । थुगु जात्राया नितिं थौं रथया न्ह्यःने ब्वय् खुपू खिप व ल्यूने प्यंपू खिपः तयातःगु खः । थहने व क्वहने त्वालय् रथ साला जात्रा यायेगु होड न्ह्यानाच्वंगु दु ।

थौंया दिं थुगु जात्राय् अप्वः अप्पां कयेका ल्वापू जुइगुलिं थ्व जात्रायात अप्पां कयकेगु जात्रा नं धायेगु याः । तर थुगु दँय् सुरक्षा ब्यवस्था कडा याःगु दुसा थीथी क्लवपाखें व स्थानिय याना निसःया ल्याखय् स्वयमसेवक परिचालन याःगु दु । थनिनिसें सुरु जूगु विस्का जात्रा ख्वप नापं थिमि नगदेश बोडे टिगनि खंपु टोखा आदि थासय् नं हनी । वि अथेधयागु सर्प याःगु लसताय् हनावयाच्वंगु बिस्का जात्रायात विश्वयात्रा नं धायेगु याः । पुलांगु अभिलेखय् बिस्का जात्रायात विश्वयात्रा धका न्ह्यथनातःगु दु ।

News Location:

More Stories Like this

मेरिल्याण्डय् लाखय् व पुलुकिसिलिसे हन येँयाः
स्यस्यः समाजं सत्यमोहन जोशीयात हन
मूलयात ग्वाहालि लःल्हात
मेहेन्दी च्वयेगु कासा जुइगु
मचातयत मां भाय् स्यनेगु संस्था नीस्वन