नेवाः व ताम्सालिङ संघर्ष समितिं मंकाः रुपं आन्दोलन घोषणा
नेवाः स्वायत्त राज्य मंकाः संघर्ष समिति व ताम्सालिङ संयुक्त संघर्ष समितिं जातिय स्वायत्तता सहितया संविधान इलय् हे जारी यायेमाःगु माग सहित मंकाः रुपं आन्दोलन याइगु जूगु दु ।
येँया रिपोटर्स क्लबय् निगू संघर्ष समितिं थौं छगू पत्रकार सम्मलेन यानाः आन्दोलनया ज्याझ्वः घोषणा याःगु खः । नेवाः-ताम्सालिङ मंकाः संघर्ष समितिं धर्म निरपेक्षता, संघीयता, लोकतान्त्रिक गणतन्त्र, आत्मनिर्णयया अधिकार व राजनीतिक अग्राधिकार सहितया जातिय स्वायत्तता लगायत माग यानाः आन्दोलनया घोषणा याःगु खः ।
आन्दोलन कथं मंकाः संघर्ष समितिं बैशाष १४ गते नेवाः व ताम्सालिङ स्वायत्त क्षेत्र बन्दया घोषण याःगु दु । अथेहे चैत्र ३० गते आमसभा, बैशाष १३ गते मसाल जुलुस लगायतया ज्याझ्वः सार्वजनिक याःगु दु ।
पत्रकार सम्मेलनय् निगूलिं संघर्ष समितिया न्ह्यलुवातय्सं इलय् हे संविधान जारी यायेमबीगु व उकि दुने आदिवासीतय् अधिकार सुनिश्चित यायेमबीगु षड्यन्त्र जुयाच्वंगुलिं आन्दोलनया विकल्प मदुगु धाःगु खः ।
News Location:
