नेपालभाषा विज्ञ लिनहार्ड मन्त
नेपालभाषा विज्ञ प्रो. सिग्फ्रेड लिनहार्ड चय्खुदँया वैशय् मन्त । वय्कःयात नेपालभाषा साहित्य, कला, धर्म व संस्कृति विषयय् छम्ह तसकं न्ह्यथनेबहःम्ह पाश्चात्य विद्वान कथं कायेगु याः ।
स्वीडेनया युनिभर्सिटी अफ स्टकहोमलिसे आवद्ध जुया च्वनादीम्ह लिनहार्डं नेपालभाषाया सच्छिपु म्ये भाय् हिलाः सन् १९७४ य् 'नेवारी गीतिमञ्जरी' पिथना दिल । अथे हे सन् १९६१ स 'मणिचूडावदानोद्धृत' भाय् हिलादिल सा बर्लिन संग्रहालयदुने दुगु झिंगुगूगु शदीया विश्वतर जातक अध्ययन नं पिथना दिल । वय्कलं सिंहसार्थवाहु सम्बन्धय् नं न्ह्यथनेबहःगु अध्ययन यानादीगु दु ।
पाटन संग्रहालय दुने दुगु सिद्धिनरसिंह मल्लया ३२ पु कृष्णलीलाया पौभाःम्येया भाय् हिला व विश्लेषण वय्कःया मेगु न्ह्यथनेबहःगु कृति खः । वंगु दँय् तिनि वय्कलं झिंगुगूगु शदिया स्वयम्भु पुराणया पौभाः ग्रन्थ सम्वन्धी अध्ययन फ्रान्सेली भासं पिथनादीगु खः । वय्कःया 'नेवारी - द एन्सिएन्ट ल्याङ्ग्वेज अफ नेपाल' च्वसुयात डा. कमलप्रकाश मल्लपाखें नेपालभाषा व नेपालीइ भाय् हिलाः च्वसापासा व नेपाल राजकीय प्रज्ञा प्रतिष्ठानं पिदंगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
