भारतयात विश्वकप क्रिकेटया उपाधि
विश्वकप क्रिकेट अन्तर्गत फाइनल कासाय् श्रृलंकायात ६ विकेटं बुकाः भारतं थुगुसीया विश्वकप त्याकूगु दु ।
टस त्याकाः न्हापांगु ब्याटिङ याःगु श्रृलंकां महिला जयवर्धनेया अविजित १०३ रनया ग्वाहालिइ २७४ रन दयेकूगु खः । २७५ रनया चुनौतिया समाना यासें ब्याटिङ यायेत वःपिं भारतं बांलागु सुरुवात मयासां गौतम गाम्भिर व कप्तान महेन्द्रिसंह धोनीया संयमित ब्याटिङया ग्वाहालिइ लक्षित स्कोर १० बल ल्यँ दनीबलय् हे पूवंकूगु खः ।
३१ रन जक दयेकूगु इलय् निगू विकेट वनेधुंकूगु भारतया निंतिं गाम्भिरं ९७ रनया योगदान ब्यूगु खःसा धोनीं अविजित ९१ रन दयेकूगु खः । श्रृलंकाया निंतिं लसित मिलंगा भारतया विरेन्द्र सेहवाग व सचिन तेन्दुल्करया महत्वपूर्ण निगू विकेट काःगु खः ।
भारतया मुम्बइस्थित वाङखदे रंगशालाय् जूगु कासाय् भारतीय कप्तान धोनी म्यान अफ द म्याच घोषित जूगु खःसा भारतया हे युवराज सिंह म्यान अफ द सिरिज घोषित जूगु खः । थ्वनापं भारतं विश्वकप त्याकूगु निक्वःगु खुसिइ खः । थ्वस्वयां न्ह्यः भारतं सन् १९८३ विश्वकप त्याकूगु खः ।
थुगुसीया विश्वकप भारत, श्रृलंका व बंगलादेशं मंका: कथं ग्वसा:ग्व:गु ख:सा आ: मेगू विश्वकप सन् २०१५य् अस्ट्रेलिया व न्युजिल्यान्डय् जुइ ।
News Location:
More Stories Like this
बार्सिलोनाया खेलाडीतय् तलवय् ७० प्रतिशत कटौती साफ च्याम्पियनसिप फुटबलय् नेपाल त्यात विम्बल्डन च्याम्पियनपाखें सन्यासया घोषणा विश्वकप फुटबलया ट्रफि नेपालय् हइगु किंग्स कप"या उपाधि मनांग मर्स्यांदीयात
