भारतया जनसंख्या छगू अर्ब थ्यन

नेपाःया जलःखलः देय् भारतया जनसंख्या छगू अर्ब थ्यंगु दु । भारतया सन् २०११या जनगणनाया ल्याःचा कथं भारतया जनसंख्या १८ करोडं अप्वया १ अर्ब २ करोड थ्यंगु खः ।

झिंन्याक्वःगू जनगणना कथं सन् २०१० मे १ तारिखं निसें ल्याःचा मुंकेगु सुरु याःगु तथ्यांक विभागं न्हय्द्वः शहर व खुगू लख गां चाहिला तथ्यांक मुंकेगु ज्या याःगु खः । भारतया न्हूगु जनसंख्याया ल्याः स्वयेगु खःसा थ्व ल्याः अमेरिका, इण्डोनेसिया, ब्राजिल, पाकिस्तान व बंगलादेशया मंकाः जनसंख्या स्वयां नं अप्व जू ।

नीन्यागू लख कर्मचारीत परिचालन यानाः मुंकूगु थुगु जनसंख्याया तथ्यांक धर्म, शिक्षा, पेशा व लिङ्गया आधारय् विभाजन यानातःगु दु । भारतय् दकलय् न्हापां सन् १८७२ निसें सुरु जूगु जनगणना प्रत्येक झिदँय् छक्व कायेगु व्यवस्था दु ।

More Stories Like this