दमकय् बृहत्त नेवाः मुँज्या
दमकय् बृहत्त नेवाः मुँज्या क्वचाःगु दु । नेवाः देय् दबूया नायः नरेश ताम्रकारं उलेज्या यानादीगु दमक बृहत्त नेवाः मुँज्या नेवाः देय् दबू दमक नगर समितिया नायः नरेशकुमार श्रेष्ठया नायसुइ जूगु खः । उगु ज्याझ्वलय् नेवाःतय्त संगठित यायेगु ज्या यानादीगुलिं संस्थापक नायः दानबहादुर श्रेष्ठयात दोसल्लां न्ययेकाः हनेज्या याःगु खः ।
उगु बृहत्त नेवाः भेलायात सम्वोधन यासें नेवाः देय् दबूया नायः नरेश ताम्रकारं नेवाःत न्ह्यागु नं राजनीतिक विचार न्ह्यागु नं आस्था व नेवाः दुनेया न्ह्यागु हे जाति व न्ह्याथाय् च्वंम्ह नेवाः जूसां न्हापां नेवाःयात स्वयेबलय् मेन्ह नेवाःयात थः नाले फयेकेगु वातावरण व नेवाः एकताया निंतिं नेवाः दुने च्वंगु विभेद मदुगु खँ न्ह्यथनादिल ।
वय्कलं आः जुइत्यंगु जनगणना २०६८लय् थःगु मां भाय्या थासय् नेपालभाषा च्वकेगु अभियान न्ह्याकेत इनाप यानादिल । उगु ज्याझ्वलय् दमक नेवाः समाजया पुलांम्ह छ्याञ्जे प्रो. जग्यबहादुर श्रेष्ठ, नेवाः देय् दबूया झापा जिल्ला नायः कृष्ण उदास, देय् दबूया केन्द्रीय दुजः भाजु प्रकाश खड्गीपिंसं नं न्ववानादीगु खः ।
News Location:
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
