माओवादीं सरकार दयेके बी ला

थीथी दललिसे माओवादीपाखें नं वार्ता

येँ सन्ध्या टाइम्स÷न्हूगु सरकार गठनया लािगं एमालें थःगु पार्टीया वरिष्ठ नेता माधव नेपालयात जिम्मा बिउसां माओवादीं म्हिताच्वंगु राजनीतिक खेलया कारणं वय्कः थुगुसी नं प्रधानमन्त्री जुइगु सम्भावना धाःसा म्हो जक दुगु खँ विज्ञतय्सं धाःगु दु । नेकपा माओवादीं सरकारपाखें राजीनामा बीधुंकाः नं सरकार मत्वःतुसे च्वनाच्वंगु जक मखु भावी सरकारया स्वरुपयात कयाः थीथी राजनीतिक पार्टीतलिसे वार्ता नं न्ह्याकाच्वंगु कारणं माओवादी अझ नं सरकारय् वनेगु तयारीइ दुगु अनुमान सूत्रतय्सं याःगु दु ।

थौंकन्हय् सदनय् हंगामा यानाः सदन हे चले मयाकुसे च्वनाच्वंिपं माओवादीं न्हूगु सरकार गठनय् अझ नं अवरोध पिकाइगु व थ्व ज्या दिकीगु सम्भावना मदुगुिलं माधव नेपालं याइगु कुतः ताःलायेत थाकुइ फुगु खँ धाःगु दु । सहमतिया सरकार दयेकि धकाः राष्ट्रपितं याःगु आह्वान कथं सहमतिया सरकार दयेके मफयेवं म्हिगः हे राष्ट्रपितं बहुमतीय सरकार गठन यायेत मेगु आह्वान यानादीधुंकूगु दु । तर बहुमतया सरकार दयेकेगु ज्या सदनं यायेमाःगु व सदन धाःसा माओवादीं चले याके मबियाच्वंगु कारणं सरकार गठन यायेत थाकुइगु खँ धाःगु दु ।

उिकं आः सरकार गठन याये न्ह्यः माओवादीयात िनं माने यायेमाःगु महसुस यासें राजनीतिक पार्टीतय्सं माओवादीलिसे खँ ल्हायेगु शुरु याना हःगु दु । थ्व झ्वलय् एमाले दुने माओवादी विरोधी धकाः माने यानातःम्ह केपी ओलीं म्हिगः वालुवाटार वनाः प्रधानमन्त्री प्रचण्डयात नापलानाः सरकार गठनय् ग्वाहालि यायेमाल धकाः इनाप यानादीगु खः । सम्भवतः थौं माओवादी व एमालेया औपचारिक वार्ता समेत जुइफुगु खँ नं धाःगु दु । थौं एमालें सरकारया स्वरुप व माओवादीयात ह्ययेकेगु उपाय बारे सहलह यायेत नेपाली कांग्रेसलिसे खँल्हाबल्हा यायेत्यंगु दु ।

उखे एमालेयात सरकार गठनय् ग्वाहालि यायेत नेपाली कांग्रेस नं सकि्रय जुइगु खँ धाःगु दु । सरकार गठनय् ग्वाहालि यायेमाल धकाः कांग्रेसं खास यानाः मधेशी जनअधिकार फोरमलिसे वार्ता यानाबीत्यंंगु खँ धाःगु दु । फोरमं अझ नं माओवादीलिसे सरकार गठन यायेगु वा एमालेयात ग्वाहालि यायेगु धकाः छुं निर्णय याःगु मदुनि । आः तक माओवादीं सरकारया स्वरुप बारे छुं धाःगु मदुनि कन्हय् एमाले-कांग्रेसया गठबन्धनयात छखे लाकेत माओवादीं फोरमया अध्यक्षताय् हे सरकार गठन याके बीगु ुहतियारु प्रयोग यायेफुगु अनुमान नं थन यानाहःगु दु ।