पाकिस्तानी प्रधानमन्त्री क्रिकेट स्वयेत भारत वनीगु

विश्वकप क्रिकेट अन्तर्गत वइगु बुधवाः भारत व पाकिस्तान दथुइ जुइगु सेमि फाइनल कासा स्वयेत पाकिस्तानी प्रधानमन्त्री योसुफ राजा गिलानी भारत वनीगु जूगु दु । भारतीय समकक्षी मनमोहन सिंहया ब्वनाय् पाकिस्तानी प्रधानमन्त्री गिलानी भारत वनीगु पक्का जूगु खः ।

उत्तरी भारतय् लाःगु मोहली शहरय् जुइगु सेमि फाइनल कासाया निंतिं भारतं न्याद्वः पाकिस्तानीतय्त भिषा बीधुंकूगु दु । निगू देय् दथुइ ख्वाउँगु स्वापूया हुनिं कासाया झ्वलय् शान्ति कायम यायेत भारतं व्यापक रुपं सुरक्षाकर्मीत परिचालन याःगु दु । कासाय् झ्वलय् हमला यायेगु योजना दयेकाच्वंगु आशंकाय् सुरक्षाकर्मीतय्सं वंगु बिहीवाः अन छम्ह मनूयात ज्वंगु खः ।

सन् २००८य् मुम्बइलय् जूगु आक्रमण लिपा निगू देय्या स्वापू ख्वाँउगु खः ।‍

More Stories Like this